విజయ్ ‘వరల్డ్‌ ఫేమస్‌ లవర్‌’ టీజర్‌ వచ్చేసిందోచ్‌..!

Posted: 01/03/2020 07:02 PM IST

అభిమానులు ఎంతగానో ఎదురుచూస్తున్న ‘వరల్డ్‌ ఫేమస్‌ లవర్‌’ సినిమా టీజర్‌ వచ్చేసింది. యువ కథానాయకుడు విజయ్‌ దేవరకొండ నటిస్తున్న సినిమా ఇది. ‘మళ్లీ మళ్లీ ఇదిరాని రోజు’ ఫేం క్రాంతి మాధవ్‌ ఈ చిత్రానికి దర్శకత్వం వహిస్తున్నారు. రాశీ ఖన్నా, ఐశ్వర్య రాజేష్‌, కేథరిన్‌, ఇజబెల్లె లైట్ కథానాయికలు. గోపీ సుందర్‌ బాణీలు అందిస్తున్నారు. ఈ సినిమాకు సంబంధించి ఇటీవల వరుసగా నాలుగు పోస్టర్లను విడుదల చేసినప్పటి నుంచి అందరిలో ఆసక్తి నెలకొంది. రాశీ, ఐశ్వర్య, కేథరిన్‌, ఇజబెల్లె.. ఈ నలుగురు విజయ్‌ సరసన కనిపించడం దీనికి కారణం. దీంతో ఈ సినిమా కథపై అందరిలోనూ ఉత్కంఠ నెలకొంది.

‘ప్రేమంటే రాజీ గౌతమ్‌.. ప్రేమంటే త్యాగం.. ప్రేమలో దైవత్వం ఉంటుంది.. అవేవీ నీకు అర్థం కావు..’ అని ఓ అమ్మాయి అంటున్న డైలాగ్‌తో టీజర్‌ ఆరంభమైంది. విజయ్‌ నలుగురు కథానాయికలతోనూ అన్యోన్యంగా ఉంటూ కనిపించారు. కొన్ని సన్నివేశాల్లో మరో ‘అర్జున్‌ రెడ్డి’ గుర్తొచ్చాడు. టీజర్‌లో కథ చెప్పే ప్రయత్నం చేశారు. ఆద్యంతం ఆసక్తికరంగా ఈ ప్రచార చిత్రాన్ని రూపొందించారు. ఫిబ్రవరి 14న ఈ సినిమాను విడుదల చేయబోతున్నారు.