దారుణాన్ని ముక్తకంఠంతో ఖండించిన టాలీవుడ్ ప్రముఖులు

Posted: 11/29/2019 09:42 PM IST

డాక్టర్ ప్రియాంకా రెడ్డి హత్యాచారం ఉదంతం సినీనటులను కూడా కదిలిస్తోంది. అమె హత్యోదంతంపై నటీమణులు స్పందించారు. ఈ సమాజాంలో ఆడపిల్లగా పుట్టడం కూడా నేరమా అని ప్రశించారు. పోలీసులు సకాలంలో స్పందించి చర్యలు తీసుకుని వుంటే అంటూ మరోనటి.. తాను కర్మను నమ్ముతానని, అది అనుక్షణం వెంటాడుతూనే ఉంటుందని మరో అగ్రనటి ఇలా పలువురు స్పందించారు. అంతేకాదు బిగ్ బాస్ తెలుగు సీజన్ 3 రన్నర్ శ్రీముఖి కూడా స్పందించారు. ఇప్పుడీ అంశమే తెలుగు రాష్ట్రాల వ్యాప్తంగా చర్చనీయాంశమైంది.

#RIPPriyankaReddy #JusticeForPriyankaReddy pic.twitter.com/9vCKsbsj1O

— Keerthy Suresh (@KeerthyOfficial) November 29, 2019

ఈ మేరకు నటి కీర్తి సురేష్ స్పందిస్తూ.. "డాక్టర్ ప్రియాంకా రెడ్డిపై అత్యాచారానికి పాల్పడి, సజీవదహనం చేశారన్న వార్త నా హృదయాన్ని కలచివేసింది. రోజురోజుకూ పరిస్థితులు చాలా దారుణంగా మారుతున్నాయి. మహిళలకు ఎంతో సురక్షితమైనదని భావించే హైదరాబాద్ వంటి నగరంలో ఇంత దారుణ ఘటనకు ఎవరిని నిందించాలి? రోజులో ఏ సమయంలోనైనా ఓ అమ్మాయి సురక్షితంగా తిరిగే రోజులు ఇండియాలో ఎప్పుడు వస్తాయి? నిందితులందరికీ కఠిన శిక్ష విధించాల్సిందే. ఆమె కుటుంబానికి నా ప్రగాఢ సానుభూతిని తెలియజేస్తున్నా. ఈ కష్టం నుంచి వారు త్వరగా బయట పడాలని దేవుడిని ప్రార్థిస్తున్నాను. నేను కర్మను నమ్ముతాను. అది 24/7 పనిచేస్తూనే ఉంటుంది" అని పేర్కొంది.

This is so so disrespectful of police ..... shame on who ever asked the question .... lechipoindi emo ...... disgusted...... wtf ? https://t.co/CrPMeZ0ytL

— पूनम कौर poonam kaur (@poonamkaurlal) November 29, 2019

సినీ నటి అనుష్క తీవ్ర దిగ్భ్రాంతిని వ్యక్తం చేశారు. సమాజంలో మహిళగా పుట్టడమే నేరమా? అని ఆమె ప్రశ్నించారు. ఇలాంటి దారుణాలకు పాల్పడిన వారిని జంతువులతో పోలిస్తే... అవి కూడా సిగ్గుపడతాయని అన్నారు. అమాయకురాలైన ప్రియాంక రెడ్డిని అత్యాచారం చేసి చంపేశారని... ఇది మొత్తం మానవాళిని కదిలించే విషాదకరమైన ఘటన అని చెప్పారు. ఈ దారుణానికి ఒడిగట్టిన వారికి వెంటనే శిక్ష పడే విధంగా మనందరం కలిసి పోరాడుదామని అన్నారు. ప్రియాంక రెడ్డి కుటుంబానికి ప్రగాఢ సంతాపాన్ని తెలియజేస్తున్నానని చెప్పారు.

ఇక ఈ దారుణఘటనలో పోలీసులు సకాలం స్పందించి చర్యలు చేపట్టి వుంటే ఈ అఘాయిత్యం జరిగివుండేది కాదేమోనని సినీ నటి పూనమ్ కౌర్ తీవ్ర ఆగ్రహం వ్యక్తం చేశారు. తమ కుమార్తె ఇంటికి రాకపోవడంతో ప్రియాంక తండ్రి పోలీసులను ఆశ్రయించగా, మీ కుమార్తె ఎవరితోనో వెళ్లిపోయుంటుందేమో అని పోలీసులు చులకనగా మాట్లాడినట్టు తెలిసింది. దీనిపై నటి పూనమ్ కౌర్ తీవ్ర ఆగ్రహం వ్యక్తం చేశారు. ఆపదలో ఉన్న ఓ అమ్మాయిని లేచిపోయిందేమో అనడానికి పోలీసులకు సిగ్గు లేదా? అంటూ మండిపడ్డారు. అసహ్యంగా ఉంది, పోలీసుల తీరు మర్యాదకరం అనిపించుకోదు అంటూ వ్యాఖ్యానించారు.

I am not scared to have a house in a jungle may be a hut to survive n food to eat ,I will be aware of the animals n I will fence myself according to their nature ...I will know what a animal does but how do we live in these concrete jungle of organised crime ? #RIPPriyanakaReddy

— पूनम कौर poonam kaur (@poonamkaurlal) November 29, 2019

ఇక మరో ట్వీట్ లో దట్టమైన అడవిలో క్రూర మృగాల మధ్య వాటిని నుంచి రక్షణ తీసుకుంటూ బతకడంలో ఇబ్బంది లేదని, అయితే కాంక్రీట్ జంగిల్ లో మానవ మృగాళ్ల మధ్యన బతకడం కష్టమని అమె ఆందోళన వ్యక్తం చేశారు. ఇక ఇదే విషయమై స్పందించిన యాంకర్, బిగ్ బాస్ సీజన్ 3 రన్నరఫ్ శ్రీముఖి.. ప్రియాంక రెడ్డి హత్యోదంతం తనను కలసివేసిందని అన్నారు. రోడ్డుపై ఎవ్వరు కనిపించినా.. వారు అపరిచితులేనన్న విషయాన్ని గుర్తుపెట్టుకోవాలని అన్నారు. ఇక తాము అపదలో వున్నామని తెలిస్తే జీపీఎస్ ట్రాకింగ్ యాప్స్ కూడా అందుబాటులో వున్నాయని, అవికాక 100, 112, షీ టీమ్స్ నెంబర్లు ఫోన్లలో ఫీడ్ చేసి పెట్టుకోవాలని కోరింది.

Nothing short of gruesome and heinous ....Deeply disturbed hearing about it. We as a country need to protect our girls or we have no future as a race. Hope justice prevails. #RIPPriyankaReddy

— Allari Naresh (@allarinaresh) November 29, 2019