స్టడీగా సాగుతున్న గద్దలకొండ గణేష్ కలెక్షన్లు..

Posted: 09/25/2019 08:18 PM IST

వరుణ్ తేజ్ కథానాయకుడిగా హరీశ్ శంకర్ దర్శకత్వంలో రూపొందిన 'గద్దలకొండ గణేశ్' ఈ నెల 20వ తేదీన ప్రేక్షకుల ముందుకు వచ్చింది. తొలిరోజునే ఈ సినిమా పాజిటివ్ రెస్పాన్స్ ను రాబట్టుకుంది. పూజా హెగ్డే కథానాయికగా నటించిన ఈ సినిమా, ఐదు రోజుల్లోనే మంచి వసూళ్లను సాధించింది. తొలి ఐదు రోజుల్లో ఈ సినిమా ప్రపంచవ్యాప్తంగా 18.5 కోట్ల షేర్ ను వసూలు చేసింది.

ఒక్క నైజామ్ ఏరియాలోనే ఈ సినిమా తొలి ఐదు రోజుల్లో 5.90 కోట్ల షేర్ ను రాబట్టడం విశేషం. వచ్చేనెల 2వ తేదీన 'సైరా' వచ్చేంత వరకూ ఈ సినిమాకి పోటీలేదు. అందువలన మరిన్ని వసూళ్లు సాధించే అవకాశాలు ఎక్కువని చెబుతున్నారు. యాక్షన్ .. ఎమోషన్ .. కామెడీని కలిపి హరీశ్ శంకర్ తెరకెక్కించిన ఈ సినిమాకి, 'దేవత' సినిమాలోని పాట .. పూజా హెగ్డే గ్లామర్ ప్రత్యేక ఆకర్షణగా నిలిచాయి.

కాగా ఈ సినిమాపై టాలీవుడ్ సూపర్ స్టార్ మహేష్ బాబు కూడా తన ట్వీట్ ద్వారా స్పందించారు. వరుణ్ తేజ్ యాక్షన్ సూపర్బ్ అంటు అంతా పొగడ్తలతో ముంచెత్తుతున్నారని.. అయితే ఈ సినిమాలో గద్దలకొండ గణేష్ గా వరుణ్ యాక్షన్ నెక్ట్స్ లెవల్ లో వుందని అన్నాడు. సినిమాను చూసి ఎంజాయ్ చేశానని. గద్దలకొండ గణేష్‌గా వరుణ్ తేజ్ యాక్షన్ అదిరిందింటూ ట్వీట్ చేశాడు. డైరెక్టర్ హరీష్ శంకర్ కూడా అద్భుతంగా పనిచేశారంటూ కొనియాడారు. గద్దలకొండ గణెష్ సినిమా టీం అంతటికి శుభాకాంక్షలు తెలిపారు.

Thoroughly enjoyed watching #GaddalaKondaGanesh! @IAmVarunTej as Ganesh was exceptionalGreat work by @harish2you and @14ReelsPlus Congratulations to the entire team on the well-deserved success

— Mahesh Babu (@urstrulyMahesh) September 24, 2019