చిరంజీవి ‘సైరా’ నుంచి అభిమానులకు మెగా కానుక.!

Posted: 09/23/2019 04:49 PM IST

Chiranjeevi s sye raa team gives gift to mega fans

చిరంజీవి కెరియర్లో తొలి చారిత్రక చిత్రంగా తొలితరం స్వతంత్ర సమరయోధుడు ఉయ్యాలవాడ నరసింహారెడ్డి జీవితకథ ఆధారంగా రూపొందిన 'సైరా నరసింహారెడ్డి' చిత్రం, వచ్చేనెల 2వ తేదీన ప్రపంచవ్యాప్తంగా విడుదల కానుంది. తెలుగుతో పాటు తమిళ, మలయాళ, కన్నడ, హిందీ భాషల్లో ఈ సినిమా ప్రేక్షకులను పలకరించనున్న ఈ చిత్రంపై ఇప్పటికే ప్రేక్షకులలో భారీ అంచనాలు పెంచేసింది.

భారీ బడ్జెట్ తో రూపోందుతున్న సైరా నరసింహరెడ్డి చిత్రంలోనూ ఆయన ద్విపాత్రాభినయంలో నటిస్తున్నాడని టాక్ వినిపిస్తోండగా, అదివారం ఎల్బీ స్టేడియం వేదికగా జరిగిన ప్రీ-రిలీజ్ ఈవెంట్ తో అభిమానుల్లో మరిన్ని అంచనాలు పెరిగాయి. ఇక రాంచరణ్ కేవలం చిత్ర గ్రాఫిక్స్ కే 45 కోట్ల రూపాయలను వెచ్చించారన్న నేపథ్యంలో అంచనాలు అంతకంతకూ పెరుగుతూ పోతున్నాయి. ఈ క్రమంలో తాజాగా ఈ చిత్రం నుంచి మరో అప్ డేట్ అందింది.

నయనతార, తమన్నా కథానాయకులు. అమితాబ్ బచ్చన్, కిచ్చా సుదీప్, విజయ్ సేతుపతి, జగపతిబాబు, రవి కిషన్ కీలక పాత్రలు పోషించారు. సురేందర్ రెడ్డి దర్శకత్వం వహించారు. రామ్ చరణ్ నిర్మాత. అక్టోబర్ 2న ఈ చిత్రం ప్రేక్షకుల ముందుకు వస్తోంది. కాగా, ఈ సినిమా టైటిల్ సాంగ్‌ను తాజాగా విడుదల చేశారు. పవిత్ర భూమి భారతాంబి ముద్దు కన్న తాను.. ఉయ్యాలవాడ నారసింహనూ.. అంటూ సాగిన ఈ పాటను అమిత్ త్రివేది స్వరపరిచగా.. సిరివెన్నెల సీతారామశాస్త్రి కలం నుంచి జాలువారిన సాహిత్యం అలరించింది. శ్రేయా ఘోషల్, సునిధి చౌహన్ ఈ పాటను ఆలపించారు.