రూ. 400 కోట్లు వైపు పరుగులు తీస్తున్న ‘సాహో’

Posted: 09/04/2019 07:34 PM IST

Prabhas shraddha starrer saaho running towards rs 400 crore gross

రెబల్ స్టార్ ప్రభాస్ బాహుబలి చిత్రాల తరువాత తన స్టామినాను ‘సాహో’ చిత్రం ద్వారా చూపించారు. సినిమాపై డివైడ్ టాక్ వచ్చినా, క్రిటిక్స్ రేటింగ్ తో సంబంధం లేకుండా తన సినిమా బాక్సాఫీసును షేక్ చేయగలదని ప్రూవ్ చేస్తున్నారు. రూ.350 కోట్ల భారీ బడ్జెట్‌తో ఇండియాస్ బిగ్గెస్ట్ యాక్షన్ మూవీగా తెరకెక్కిన ‘సాహో’.. గత నెల 30న ప్రేక్షకుల ముందుకు రాగా, తొలివారం కూడా పూర్తికాకుండానే నాలుగు వందల కోట్ల క్లబ్ వైపు పరుగులు తీస్తోంది. నెగిటివ్ టాక్ సాహోపై ప్రభావం చూపకపోగా, వసూళ్లలో దూసుకుపోతుంది.

సాంకేతిక పరంగా ‘సాహో’ మంచి మార్కులు కొట్టేసింది. నాలుగు భాషల్లో విడుదలైన ఈ సినిమా వసూళ్ల పరంగా దూసుకుపోతోంది. ప్రపంచవ్యాప్తంగా తొలి రోజున ప్రీమియర్స్ తో కలుపుకుని 130 కోట్లను వసూలు చేసిన ఈ సినిమా, రెండవ రోజునే 200 కోట్ల క్లబ్ లోకి చేరిపోయింది. ప్రపంచ వ్యాప్తంగా నాలుగు భాషల్లోను కలుపుకుని 5 రోజుల్లో 350 కోట్లకి పైగా వసూళ్లను రాబట్టిన ఈ సినిమా, 400 కోట్ల క్లబ్ దిశగా దూసుకుపోతోంది. 500 కోట్ల మార్క్ ను టచ్ చేయడం 'సాహో'కి పెద్ద కష్టం కాకపోవచ్చని విశ్లేషకుల అభిప్రాయం.

తెలుగులో ఈ వారంలో పెద్ద సినిమాలేవీ లేకపోవడంతో, 'సాహో' దూకుడు కొనసాగే అవకాశాలున్నాయి. అటు బాలీవుడ్ లోనూ ఈ చిత్రం భారీ వసూళ్లను రాబడుతోంది. నాలుగు రోజులకుగాను 93 కోట్లను వసూలు చేసింది. నిన్న హిందీ వెర్షన్ 9.10 కోట్ల వసూళ్లను రాబట్టింది. దాంతో 5 రోజులకు గాను హిందీ వెర్షన్ 102 కోట్లను వసూలు చేసింది. రెండు రోజుల తరువాత రాబట్టే వసూళ్లు ఇక లాభాల కిందకే వస్తాయని అంటున్నారు. నెగెటివ్ టాక్ తెచ్చుకున్న ఈ సినిమా, ఈ స్థాయి వసూళ్లతో దూసుకుపోతుండటం విశేషం. మొత్తానికి ఈ సినిమా ప్రభాస్ స్టామినాను చాటి చెప్పిన చిత్రంగా నిలిచింది.