వినాయక చవితి రోజున ఫాన్స్ కు రవితేజ పండగ కానుక

Posted: 08/28/2019 10:18 PM IST

మాస్ మహారాజ్ రవితేజ తన ఆశలన్నీ త్వరలో ప్రేక్షకుల ముందుకు రానున్న డిస్కోరాజా చిత్రంపైనే పెట్టుకున్నారు. రవితేజ కథానాయకుడిగా వీఐ ఆనంద్ దర్శకత్వంలో 'డిస్కోరాజా' రూపొందుతోంది. రవితేజ నటించిన అమర్ అక్బర్ అంటోని బాక్సాఫీసు వద్ద ఎలాంటి సవ్వడి చేయకుండానే వెళ్లిపోయింది. దీంతో డిస్కో రాజా తప్పకు హిట్ కావాలని తన అంచనాలు, ఆశలన్నీ ఈ చిత్రంపైనే పెట్టుకున్నారు రవితేజ.

‘ఎక్కడికి పోతావు చిన్నవాడా’ చిత్రాన్ని అద్బుతంగా రూపొందించి హిట్ ఇచ్చిన దర్శకుడు వీఐ ఆనంద్ దర్శకత్వం కూడా రవితేజకు కలసివస్తుందని మాస్ మహారాజ్ అభిమానులు ఆశలు పెట్టుకున్నారు. ఈ సినిమాలో పాయల్ రాజ్ పుత్, నభా నటేశ్ కథానాయికలుగా నటిస్తున్నారు. తమన్ సంగీతాన్ని అందించిన ఈ సినిమాపై భారీ అంచనాలు వున్నాయి. ఈ సినిమా నుంచి టీజర్ ను వదలడానికి ముహూర్తం ఖరారైనట్టుగా తెలుస్తోంది.

'వినాయక చవితి' పండుగ సందర్భంగా, వచ్చేనెల 2వ తేదీన ఈ సినిమా నుంచి టీజర్ ను వదలనున్నట్టుగా సమాచారం. టీజర్ తోనే సినిమాపై అంచనాలు పెంచే పనిలో దర్శకుడు వీఐ ఆనంద్ వున్నట్టుగా చెప్పుకుంటున్నారు. సైన్స్ ఫిక్షన్ నేపథ్యంలో నిర్మితమవుతోన్న ఈ సినిమాలో, వెన్నెల కిషోర్, సునీల్ ముఖ్యమైన పాత్రల్లో కనిపించనున్నారని అంటున్నారు. కొంతకాలంగా రవితేజ సరైన హిట్ కోసం ఎదురుచూస్తున్నాడు. ఆయన ఆశిస్తోన్న హిట్ ఈ సినిమాతో లభిస్తుందో లేదో చూడాలి.

To All MassMaharaj Fans out there..
We are Happy to Announce That, First Look of #DiscoRaja On Sept 2nd on the eve of #VinayakaChavithi #DiscoRajaFLOnSept2nd@RaviTeja_offl @starlingpayal @vennelakishore @Tanyahopeoffl @NabhaNatesh @Dir_Vi_Anand @MusicThaman @itsRamTalluri

— SRT Entertainments (@SRTmovies) August 28, 2019