'డిస్కో రాజా' విడుదల తేదీ ఖరారు.. ఫోటీ సూపరూ..

Posted: 08/29/2019 07:16 PM IST

Ravi teja disco raja movie locks release date

మాస్ మహారాజ్ రవితేజ నటించిన అమర్ అక్బర్ అంటోని బాక్సాఫీసు వద్ద బోల్తా పడటంతో.. తన ఆశలన్నీ త్వరలో ప్రేక్షకుల ముందుకు రానున్న డిస్కోరాజా చిత్రంపైనే పెట్టుకున్నారు. ఇప్పటికే ఈ చిత్రానికి సంబంధించిన ఫస్ట్ లుక్ తో తన అభిమానులకు వినాయక చవితి కానుకను అందిస్తానని చెప్పిన రవితేజ.. ఇక అదే ఊఫులో అభిమానుల ముందుకు డిస్కోరాజాగా ఎప్పుడు వస్తానన్న తేదీని కూడా స్పష్టం చేశారు.

విభిన్న కథలతో డిఫరెంట్ కదాంశంతో చిత్రాలను తెరకెక్కించే వీఐ ఆనంద్ దర్శకత్వంలో 'డిస్కోరాజా' రూపొందుతున్న విషయం తెలిసిందే. ‘ఎక్కడికి పోతావు చిన్నవాడా’ చిత్రాన్ని అద్బుతంగా రూపొందించి హిట్ ఇచ్చిన దర్శకుడిపైనే ఇప్పుడు రవితేజ గంపెడాశలు పెట్టుకున్నారు. ఈ సినిమాలో పాయల్ రాజ్ పుత్, నభా నటేశ్ కథానాయికలుగా నటిస్తున్నారు. తమన్ సంగీతాన్ని అందించిన ఈ సినిమాపై భారీ అంచనాలు వున్నాయి. ఈ కథ కూడా పూర్తి వైవిధ్యభరితమైనదనే టాక్ వినిపిస్తోంది.

చాలావరకు చిత్రీకరణ పూర్తి చేసుకున్ర్న ఈ సినిమా ఎప్పుడు విడుదలవుతుందా అనే ఆసక్తితో అభిమానులు వున్నారు. ఈ నేపథ్యంలో దర్శక నిర్మాతలు ఈ సినిమా విడుదల తేదీని అధికారికంగా ప్రకటించారు. డిసెంబర్ 20వ తేదీన ఈ సినిమాను భారీస్థాయిలో విడుదల చేయనున్నారు. రామ్ తాళ్లూరి నిర్మిస్తున్న ఈ సినిమాకి తమన్ సంగీతాన్ని అందిస్తున్నాడు. మాస్ హీరోగా రవితేజ మరో భారీ విజయాన్ని సొంతం చేసుకోవడం ఖాయమనే అభిప్రాయాన్ని ఆయన అభిమానులు వ్యక్తం చేస్తున్నారు.