ఔను.. నిజమే.. పెళ్లి చేసుకున్నాను: రాఖీ సావంత్

Posted: 08/07/2019 11:51 AM IST

Rakhi sawant secret wedding trns true confirms bold actress

బాలీవుడ్ హాట్ బ్యూటీగా, ఫైర్ బ్రాండ్ రాఖీ సావంత్ పై అమె అభిమానులు కారాలు మిరియాలు నూరుతున్నారు. తన వివాదాస్పద వ్యాఖ్యలతో పాటు బోల్గ్ నటనతో కాంట్రావర్సీలకు కేరాఫ్ గా మారిన నటి రాఖీ సావంత్ ముంబైలోని ఓ హోటల్‌లో ఎన్నారైని పెళ్లాడినట్టు జాతీయ మీడియాలో వార్తలు హల్ చల్ చేశాయి. కొద్దిమంది కుటుంబ సభ్యుల మధ్య వివాహం జరిగినట్టు వార్తలు గుప్పుమన్నాయి. రాఖీ పెళ్లికుమార్తె డ్రెస్‌లో ఉన్న ఫొటోలను కూడా ప్రచురించాయి.

బోల్డ్ బ్యూటీ ఓ ఇంటిదయ్యిందన్న వార్త మీడియాలో వస్తే.. తూచ్ అదంతా తప్పు.. ఆ వార్తల్లో నిజంలేదని.. కేవలం జేడబ్యూ మారియట్ హోటల్ పెళ్లికూతురు వేషంలో ఫోటో షూట్ నిర్వహిస్తున్నందున తాను అలా తయారయ్యానని, అది కేవలం ఫోటో షూట్ మాత్రమేనని తోసిపుచ్చింది. దీంతో అభిమానులు సంతోషించారు. తమ బోల్డ్ నటికి ఇంకా వివాహం కాలేదని.. కలల ప్రపంచంలో మునిగిపోతున్నారు.

అయితే తాజాగా అమె తన అభిమానులకు పిడుగులాంటి వార్తను చెప్పింది. అదేంటంటే తాను పెళ్లి చేసుకున్నానని, దీంతో అభిమానులు అమెపై కారాలు మిరియాలు నూరుతున్నారు. అంతేకాదు తన భర్త వివరాలను కూడా చెప్పింది. యూకేలో ఉన్న ఎన్నారై బిజినెస్ మెన్ రితీశ్ ను పెళ్లాడానని ఆమె ప్రకటించింది. అతి తక్కువ మంది బంధుమిత్రుల సమక్షంలో తమ పెళ్లి జరిగిందని తెలిపింది.

పెళ్లి తర్వాత రితీశ్ యూకే వెళ్లిపోయాడని... వీసా కోసం తాను ఎదురు చూస్తున్నానని చెప్పింది. రితీశ్ తన అభిమాని అని తెలిపింది. ప్రభు చావ్లాకు ఇచ్చిన ఇంటర్వ్యూ సమయంలో అతను తనను మొదటి సారి చూశాడని... ఆ తర్వాత వాట్స్ యాప్ ద్వారా మెసేజ్ పంపాడని రాఖీ చెప్పింది. ఆ తర్వాత ఇద్దరం మంచి స్నేహితులమయ్యామని... ఇదంతా ఏడాదిన్నర క్రితం జరిగిందని తెలిపింది. ఇంత మంచి భర్తను తనకు ఇచ్చినందుకు జీసస్ కు కృతజ్ఞతలు తెలుపుతున్నానని చెప్పింది.

సినీ పరిశ్రమతో తన అనుబంధం ఇకపై కూడా కొనసాగుతుందని తెలిపింది. 2020 కల్లా ఓ బిడ్డకు తల్లి కావాలనేది తన కోరిక అని రాఖీ చెప్పింది. అందులోనూ తన అభిమానిగా వున్న ఓ ఎన్ఆర్ఐ వ్యక్తినే తాను పెళ్లి చేసుకున్నానని అమె తెలిపారు. దీంతో ఇప్పుడీ హాట్ అండ్ బోల్డ్ బ్యూటీ అభిమానులు ఖంగుతిన్నారు. ఒక్క అభిమానికి న్యాయం చేస్తే మరి మా పరిస్థితి ఏంటీ అని అన్నట్లుంది వారి వాదన. హద్దులు మీరిన అభిమానం వుంటే దెబ్బలు తప్పవుగా మరి.