రూ. 63 కోట్లను రాబట్టిన పూరి ఇస్మార్ట్ శంకర్

Posted: 07/27/2019 05:11 PM IST

Ismart shankar day 9 collections ram pothineni unstoppable at box office

ప్రముఖ దర్శకుడు పూరి జగన్నాథ్.. యంగ్ హీరో రామ్ పోతినేనితో కలసి తన మార్కు మాస్ సినిమా ‘ఇస్మార్ట్ శంకర్’ను తీసి బంఫర్ హిట్ కొట్టాడు. ఈ చిత్రం అన్నివర్గాల ప్రేక్షకులతో పాటు మాస్ ఆడియన్స్ ను విశేషంగా ఆకట్టుకుంటోంది. కాన్సెప్ట్ కొత్తగా ఉండటంతో బాక్సాఫీస్ వద్ద మంచి వసూళ్లు రాబడుతోంది. అయితే ఈ సినిమా వ్యక్తి మెదడును మార్పిడి చేయడమనే కాన్సెప్ట్‌తో రూపొందిందన్న విషయం తెలిసిందే. ఈ సినిమా స్ర్కిప్ట్ విషయంలోనూ పలు అరోపణలు వచ్చినా.. వసూళ్లలో మాత్రం దాని ప్రభావం కనిపించడం లేదు.

ఈ నెల 18వ తేదీన విడుదలైన ఈ సినిమా బాక్సాఫీసు వద్ద పెద్ద సవ్వడే చేస్తోంది. విడుదలైన ప్రతి ప్రాంతంలోను ఈ సినిమా తన జోరును కొనసాగిస్తూ వస్తోంది. రామ్ మాస్ డైలాగ్స్ .. మాస్ బీట్స్ .. హీరోయిన్స్ గ్లామర్ ఈ సినిమా వసూళ్లలో ప్రధానమైన పాత్రను వహిస్తున్నాయి. దీంతో ఈ సినిమా విడుదలైన 9 రోజుల్లో ప్రపంచవ్యాప్తంగా 63 కోట్ల గ్రాస్ ను సాధించింది. ఈ విషయాన్ని చార్మీ స్వయంగా తెలియజేసింది. అంతేకాదు వసూళ్లకు సంబంధించిన పోస్టర్ ను ట్విట్టర్లో పోస్ట్ చేసింది.

ఈ సినిమా సాధిస్తోన్న వసూళ్ల పట్ల ఆనందాన్ని వ్యక్తం చేసింది. మొత్తానికి 'ఇస్మార్ట్ శంకర్' ఒక రేంజ్ లో దుమ్ము దులిపేస్తూ వస్తున్నాడు. మరి ఈ సినిమా వసూళ్లపై 'డియర్ కామ్రేడ్' ప్రభావం ఏ స్థాయిలో ఉంటుందో చూడాలి మరి. 9 రోజులలో ఈ సినిమా ప్రపంచవ్యాప్తంగా 63 కోట్ల గ్రాస్ వసూళ్లను సాధించింది. పూరి మాస్ డైలాగులు .. రామ్ నటన - డాన్స్ .. మణిశర్మ మ్యూజిక్.. నభా - నిధి గ్లామర్ ఈ స్థాయి వసూళ్లకు కారణమనే అభిప్రాయాలు వ్యక్తమవుతున్నాయి.