అభిమాని అడిగాడని న్యూడ్ పిక్స్ పంపిన సింగర్

Posted: 05/22/2019 09:34 PM IST

ఇండస్ట్రీలో ఇంకా క్యాస్టింగ్ కౌచ్ మంటలు రేగుతూనే ఉన్నాయి. ఎప్పటికప్పుడు కొత్త రూపంలో ఇది బయటికి కనిపిస్తుంది.ఇక బాలీవుడ్‌లో తనూశ్రీ దత్తా ప్రారంభించిన ఈ క్యాష్టింగ్ కౌచ్ ఉద్యమం సౌత్ ప్రముఖ గాయని చిన్మయి ముందుండి పోరాడుతోంది. అప్పట్లో ఓ స్కామ్‌లో ఇరుక్కుని న్యూడ్ వీడియోలు కూడా బయటికి రావడంతో చాలా ఇబ్బంది పడింది చిన్మయి. ఆ తర్వాత క్యాస్టింగ్ కౌచ్ సమస్యలు కూడా తాను ఎదుర్కొన్నానని చెప్పి సంచలనం సృష్టించింది.

మీటూ ఉద్యమం నేపథ్యంలో చిన్మయి, ప్రముఖ రచయిత వైరముత్తు మధ్య వివాదం సంచలనంగా మారిన సంగతి తెలిసిందే. చిత్ర పరిశ్రమ నుంచి ఎన్ని ఒత్తిళ్లు వస్తున్నా చిన్మయి మాత్రం ఒంటరిగా ఎదుర్కొంటోంది. చిన్మయి చిత్ర పరిశ్రమలో మహిళలకు ఎదురవుతున్న సమస్యల గురించి సోషల్ మీడియాలో స్పందిస్తూ ఉంటుంది. తాజాగా చిన్మయిని తన ట్విట్టర్ ఫాలోవర్ అడిగిన రిక్వెస్ట్ అందుకు ఆమె చేసిన ఓ ట్వీట్ వైరల్ అవుతోంది. కుక్కకాటుకు చెప్పుదెబ్బ అన్నట్లుగా అమె ట్వీట్ వుందని నెట్ జనులు ప్రశంసిస్తున్నారు.

సోషల్ మీడియాలో చిన్మయిని ఓ వ్యక్తి న్యూడ్ ఫోటోలు పంపాలని కోరాడు. అతడు అడిగినట్లుగానే న్యూడ్ పిక్స్ పంపింది. కానీ అవి అతడు కోరుకున్న ఫోటోలు కాదు. నాకు నచ్చిన న్యూడ్ పిక్స్ ఇవే అంటూ చిన్మయి లిప్ స్టిక్ ఫోటోలు షేర్ చేసింది. హ్యూమన్ స్కిన్ కలర్ లో ఉండే కొన్ని లిప్ స్టిక్స్ ని న్యూడ్ లిప్ స్టిక్స్ అని పిలుస్తారు. ఆ దృశ్యాలని చిన్మయి అతడికి షేర్ చేసింది. దీనితో చిన్మయి సమాధానానికి నెటిజన్లు ప్రశంసిస్తున్నారు. అతడితో జరిగిన సంభాషణని చిన్మయి ట్విటర్ లో షేర్ చేసింది.

In the meanwhile.. for some entertainment pic.twitter.com/JwarkEaKDz

— Chinmayi Sripaada (@Chinmayi) May 20, 2019