గంటల వ్యవధిలోనే టోటల్ ధమాల్ సంచలనం..

Posted: 01/21/2019 05:15 PM IST

‘ధమాల్‌’ సిరీస్ లో వస్తోన్న మూడో చిత్రం ‘టోటల్‌ ధమాల్‌’ అన్ లైన్ లో విపరీతంగా ట్రెండ్ అవుతుంది. అజయ్‌ దేవగణ్‌ ప్రధాన పాత్రలో నటిస్తోన్న ఈ చిత్రం పూర్తిస్థాయి వినోదాత్మక చిత్రం. పదిహేడేళ్ల తర్వాత అనిల్ కపూర్‌, మాధురీ దీక్షిత్‌ కలసి నటిస్తున్న చిత్రం కావడం కూడా సంచలనానికి కారణం కాగా, అంతకుమించి తాజాగా ఈ సినిమాకు సంబంధించిన ట్రైలర్ ను చిత్రబృందం విడుదల చేయడంతో అది కాస్తా గంటల వ్యవధిలోనే ఐదు లక్షల వ్యూస్ దాటేసింది.

ఇందులో అజయ్‌ దేవగణ్‌, అనిల్‌ కపూర్‌, మాధురీ దీక్షిత్‌, జానీ లీవర్‌, అర్షద్‌ వార్షి, జావేద్‌ జాఫ్రీ, రితేష్‌ దేశ్‌ముఖ్‌, సంజయ్‌ మిశ్రా... ఇలా చిత్రంలోని కీలక నటులందరితో కూడిన ట్రైలర్ ప్రేక్షకులను కడుబుబ్బ నవ్విస్తుంది. ధమాల్, డబుల్ ధమాల్ సీక్వెల్ గా వస్తున్న ఈ చిత్రం అద్యంతం వైల్డ్ లైప్ (వన్య మృగాల కాన్సెప్టు)తో అకట్టుకోనుంది.

‘ది వైల్డెస్ట్‌ అడ్వంచర్‌ ఎవ్వర్‌’ అని చిత్ర బృందం ఇటీవల విడుదల చేసిన పోస్టర్ పై రాయడానికి అర్థం ట్రైలర్ తో స్పష్టమైంది. ఇంద్రకుమార్‌ దర్శకత్వంలో తెరకెక్కుతోన్న ఈ చిత్రం ట్రైలర్‌ను ఈ నెల 21న, సినిమాని వచ్చే నెల 22న విడుదల చేయనున్నారు. ఇందులో హాలీవుడ్‌ నుంచి తీసుకొచ్చిన క్రిస్టల్‌ అనే కోతి కూడా నటిస్తోంది.  ఇంతకుముందే అజయ్‌దేవగణ్‌తో క్రిస్టల్‌ ఉన్న స్టిల్‌ను విడుదల చేశారు.