రాంచరణ్ అభిమానుల్లో పెరుగుతున్న అసక్తి..

Posted: 10/20/2018 07:18 PM IST

Ram charan fans awaiting for his next first look

మెగా పవర్ స్టార్ రాంచరణ్ తేజ్ నటించిన రంగస్థలం చిత్రం తరువాత అంతకుమించిన అంచనాలతో వస్తున్న తాజా చిత్రానికి బోయపాటి శ్రీను దర్శకత్వం వహిస్తున్న విషయం తెలిసిందే. కాగా ఇది పూర్తిగా యాక్షన్ ఎంటర్టైనర్ కావడంతో కూడా చరణ్ నటనపై అంచనాలు పెరుగుతున్నాయి. ఈ సినిమా షూటింగ్ మొదలై దాదాపు 3 నెలలు అవుతోంది. చిత్రం కూడా మరికొన్ని రోజుల వ్యవధిలో పూర్తికావస్తుందని కూడా సమాచారం.

అయినా ఈ చిత్రానికి సంబంధించి ఇంతవరకూ చరణ్ ఫస్టులుక్ ను మీడియాకు విడుదల చేయలేదు చిత్రవర్గాలు. సినిమా షూటింగ్ రమారమి పూర్తి కావస్తున్నా ఇంకా ఫస్ట్ లుక్ విడుదల చేయకపోవడంపై మెగా అభిమానులు నిరాశకి గురవుతున్నారు. ఇంతవరకూ బోయపాటి ఈ సినిమా ఫస్టులుక్ ను వదలకపోవడానికి కారణం ఏమిటనే అసహనాన్ని వ్యక్తం చేస్తున్నారు. అయితే టైటిల్ లోగోను ఖరారు చేయకపోవడమే అందుకు కారణమని తాజాగా తెలుస్తోంది.

ఈ సినిమాకి ఇటీవలే 'వినయ విధేయ రామ' అనే టైటిల్ ను ఎంపిక చేశారు. అయితే, ఈ టైటిల్ లోగోను దర్శక నిర్మాతలు, చరణ్ ఖరారు చేయవలసి వుంది. రకరకాలుగా టైటిల్ లోగోను డిజైన్ చేయిస్తున్నారు. ఇంతవరకూ ఏ డిజైన్ కూడా సంతృప్తికరంగా అనిపించకపోవడం వల్లనే ఫస్టులుక్ బయటికి రాలేదని చెబుతున్నారు. టైటిల్ లోగో ఓకే అయిన వెంటనే ఫస్టులుక్ ను వదిలేస్తారట. బహుశా దీపావళికి రావొచ్చని చెప్పుకుంటున్నారు. ఈ సినిమాలో కథానాయికగా కైరా అద్వాని నటిస్తోందే.