‘తిత్లీ’ బాధితులకు అల్లు అర్జున్ భారీ సాయం

Posted: 10/20/2018 06:46 PM IST

స్టైలిష్ స్టార్ అల్లు అర్జున్ ఆప‌ద‌లో ఉన్న వారికి ఎల్ల‌ప్పుడు త‌న వంతు సాయాన్ని అందిస్తుంటారన్న విషయం తెలిసిందే. సినీపరిశ్రమలో కూడా అవసరంలో వున్నవారి గురించి తెలుసుకునే బన్నీ.. వారిని ఇంటికి పిలిచి మరీ సాయం చేస్తారన్న విషయం పోసాని కృష్ణమురళి బయటపెడితే కానీ బాహ్యప్రపంచానికి తెలియలేదు. బన్ని సహా ఈ మధ్యకాలంలో యువరక్తం నిండిన యంగ్ హీరోలు అందరూ సామాజిక సృహతో తమ వంతుగా ముందుకు కదలడం శుభసూచకం.

తాజాగా తిత్లీ తుఫాను వ‌ల‌న నిరాశ్ర‌యిల‌న వారికి అండ‌గా నిలిచేందుకు 25 ల‌క్ష‌ల ఆర్ధిక సాయం అందిస్తున్న‌ట్టు త‌న ట్విట్ట‌ర్ ద్వారా తెలియ‌జేశాడు అల్లు అర్జున్. తిత్లీ ఎంద‌రో జీవితాల‌లో విషాదం నింపింద‌ని తెలిసి క‌ల‌త చెందాను. అందుకే వారికి నా వంతు బాధ్య‌త‌గా విరాళం అందిస్తున్నాను. మీరు కూడా మీకు తోచినంత సాయం చేసి ఇబ్బందుల‌లో ఉన్న వారిని ఆదుకోండి అని తన అభిమానులకు కూడా పిలుపునిచ్చారు బ‌న్నీ. ఇక ప్రముఖ డైరెక్టర్ కొరటాల శివ కూడా మూడు లక్షల రూపాయల విరాళాన్ని ప్రకటించారు.

తెలుగు రాష్ట్రాల‌లోనే కాక ప‌క్క రాష్ట్రాల‌లోను ఫుల్ ఫ్యాన్ ఫాలోయింగ్ పెంచుకున్న అల్లు అర్జున్ నా పేరు సూర్య నా ఇల్లు ఇండియా చిత్రం తర్వాత ఏ సినిమాకి క‌మిట్ కాలేదు. అయితే తాజాగా త్రివిక్రమ్ ద‌ర్శ‌క‌త్వంలో నటించేందుకు సై అంటూ సంకేతాలు ఇచ్చాడని, అందుకోసం న్యూలుక్ తో కూడా రెడీ అయ్యాడని తెలుస్తుంది. అరవింత సమేత సూపర్ హిట్ కావడంతో బన్ని ఈ నిర్ణయం తీసుకున్నాడని టాక్ వస్తున్నా.. న్యూలుక్ మాత్రం అదరగోడుతున్నాడు.. బన్ని.

I am saddened by the news and it's heart wrenching to see the damage done by the Cyclone. I pledge 25 lacs to the victims of the Titli Cyclone, let us all do our bit to help our people in these times of distress. #TitliCycloneVictims

— Allu Arjun (@alluarjun) October 20, 2018