దుమ్మురేపుతున్న చిరంజీవి ‘‘సైరా నరసింహారెడ్డి’’ టీజర్..

Posted: 08/22/2018 03:09 PM IST

Chiranjeevi s teaser rakes in more than 12m digital views in 24 hours

మెగాస్టార్ చిరంజీవి జన్మదినోత్సవాన్ని పురస్కరించుకుని విడుదల చేసిన ఆయన తాజా చిత్రం, స్వాతంత్ర్య సమరయోధుడు, స్వాతంత్రం కోసం అంగ్లేయులపై తిరుగుబాటు బావుటా ఎగురవేసిన ఉయ్యాలవాడ నరసింహారెడ్డి జీవితచరిత్రలోని పలు కీలక పుటలను తీసుకుని ఆయన గోప్పదనాన్ని తెలుగు ప్రేక్షకులకు తెలియజేసే నేపథ్యంలో తెరకెక్కుతున్న చిత్రం సైరా నరసింహారెడ్డి నుంచి తొలి టీజర్ ను విడుదల చేసింది చిత్ర యూనిట్.

'సైరా' సినిమా నుంచి ఫస్టు టీజర్ విడుదల కావడంతో అభిమానులు పండగ చేసుకున్నారు. ఏకంగా టీజర్ ను చూసి ఇక చిత్రం బాహుబలి రికార్డులను తిరగరాయడం ఖాయమని ధీమాను వ్యక్తం చేస్తున్నారు. ఇప్పటికే చిరంజీవి 151 చిత్రం సైరాపై అభిమానుల్లో నెలకోన్న అంచనాలను టీజర్ ఏకంగా ఎన్నో రెట్లు పెంచింది. 'సైరా' విడుదలకి చాలా సమయం ఉన్నప్పటికీ, మెగా అభిమానులను ఉత్సాహ పరచాలనే ఉద్దేశంతోనే చిత్ర నిర్మాణవర్గం ఈ టీజర్ ను వదిలారు. ఈ టీజర్ ను రిలీజ్ చేసిన 24 గంటల్లోనే 12 మిలియన్ల డిజిటల్ వ్యూస్ లభించాయి. దీనిని బట్టి ఈ సినిమాపై ఏ స్థాయిలో అందరిలో ఆసక్తి వుందో అర్థమవుతోంది.

'సైరా' నుంచి వచ్చిన ఫస్టు టీజర్ కి అభిమానుల నుంచి విపరీతమైన రెస్పాన్స్ వస్తోంది. ఇక ఈ టీజర్ సూపర్బ్ గా ఉందంటూ పలువురు సినీ ప్రముఖులు ప్రశంసలు కురిపిస్తున్నారు. ఈ టీజర్ అభిమానుల అంచనాలను అందుకునేలా .. వాళ్లకు సంతృప్తిని కలిగించేలా వుందని చెబుతున్నారు. 300 కోట్ల బడ్జెట్ తో ఈ సినిమా నిర్మాణం జరుగుతున్నట్టుగా వార్తలు వస్తున్నాయి. దాంతో 'బాహుబలి' స్థాయి కథాకథనాలతో.. భారీ తారాగణంతో .. సాంకేతిక విలువలతో ఈ సినిమా రానుందనే ఆసక్తితో అందరూ వున్నారు.