అన్నగారి బయోపిక్ లో అందమైన హీరోయిన్..?

Posted: 07/11/2018 06:38 PM IST

Rakul preet to play a key role in ntr biopic

నందమూరి అభిమానుల దృష్టి మొత్తం 'ఎన్టీఆర్' బయోపిక్ పైనే వుంది. ఈ సినిమా విశేషాలను ఎప్పటికప్పుడు తెలుసుకోవడానికి వాళ్లు ప్రత్యేక శ్రద్ధ చూపుతున్నారు. ఇటీవలే ఈ సినిమా రెగ్యులర్ షూటింగ్ మొదలైంది. ఎన్టీఆర్ పాత్రను బాలకృష్ణ పోషిస్తుండగా .. బసవతారకం పాత్రను విద్యాబాలన్ చేస్తున్నారు. ఇప్పటికే ఈ చిత్రంలో మోహన్‌ బాబు, రానా, కీర్తి సురేష్ తదితరులు నటిస్తున్నారన్న టాక్ అంచనాలను పెంచుతుంది.

తాజాగా ఈ సినిమాలో రకుల్ ప్రీత్ సింగ్ పేరు తెరపైకి వచ్చింది. క్రిష్‌ దర్శకత్వం వహిస్తున్న ఈ సినిమా షూటింగ్‌.. ఇటీవల మొదలైన విషయం తెలిసిందే. ఒక ప్రత్యేకమైన పాట కోసం దర్శకుడు క్రిష్ .. రకుల్ ను ఎంపిక చేసినట్టుగా తెలుస్తోంది. ప్రస్తుతం తమిళ .. హిందీ సినిమాలతో రకుల్ బిజీగా వుంది. అయినా ఈ ప్రాజెక్టుకి గల క్రేజ్ ను దృష్టిలో పెట్టుకుని ఆమె ఈ ప్రత్యేకమైన పాటలో మెరవడానికి అంగీకరించిందని అంటున్నారు. ఎన్టీఆర్ సినిమాల్లో ఐటమ్ సాంగ్స్ అనేకం హిట్ అయిన విషయం తెలిసిందే.

ఎన్టీఆర్ తన సుదీర్ఘ చలనచిత్ర చరిత్రలో ఓ అప్పారవు ఓ సుబ్బారావు పాట దగ్గర్నించి.. అనేక ఐటమ్ పాటలలో జయమాలిని, అనురాధ, జ్యోతిలక్ష్మీలతో అట అడుతూ, పాడుతూ వుంటే ఇప్పటికే 70 ఏళ్లు దాటిన అప్పటి యువత.. ఇప్పటికీ ఈలలు వేస్తూ గోల చేయడం గ్యారంటీ. అయితే ఏ పాటని రకుల్‌ప్రీత్ సింగ్ కోసం ఈ సినిమాలో కేటాయించారో చిత్రం విడుదల వరకూ సస్పెన్స్‌లో ఉంచనున్నట్లు తెలుస్తోంది. స్టార్స్‌‌ చేరికతో ఎన్టీఆర్‌ సినిమా‌పై అంచనాలు పెరిగిపోతుండగా.. చిత్ర యూనిట్ ఆశించిన దానికంటే ఎక్కువగానే ప్రచారం లభిస్తోంది.