బాలీవుడ్ బాక్సాఫీసు వద్ద ’సంజు‘ సంచలనం

Posted: 07/06/2018 02:52 PM IST

బాలీవుడ్ స్టార్ సంజయ్ దత్ జీవిత చరిత్రతో తెరకెక్కిన 'సంజు' సినిమా బాక్సాఫీస్ వద్ద కలెక్షన్ల హంగామా చేస్తోంది. రణబీర్ కపూర్ ప్రధాన పాత్ర పోషించిన ఈ చిత్రం గత శుక్రవారం ప్రేక్షకుల ముందుకు వచ్చి.. అన్ని వర్గాల ప్రేక్షకుల అదరణను సంపాదించింది. తొలి షో నుంచే మంచి టాక్ సంపాదించుకున్న ఈ చిత్రం... మంచి ఓపెనింగ్స్ తో విజయవంతంగా దూసుకెళ్లుంది. ఈ క్రమంలో ఈ ఏడాది విడుదలైన చిత్రాలేవి రాబట్టనంత భారీ వసూళ్ల రాబడుతూ ముందుకు సాగుతుంది.

తొలి వారం రోజుల వ్యవధిలోనే ఏకంగా 200 కోట్ల క్లబ్ లో చేరిన చిత్రంగా రికార్డును అందుకున్న సంజు.. గత రికార్డులను బద్దలుకొడుతుంది. ఈ చిత్రం తొలివారంలో 202.51 కోట్లు క‌లెక్ష‌న్స్ సాధించిన‌ట్టు సినీ విశ్లేషకుడు త‌ర‌ణ్ ఆద‌ర్శ్ త‌న ట్వీట్ ద్వారా తెలియ‌జేశారు. సంజూ చిత్రంలో రాజ్ కుమార్ హిరాణీ .. సంజ‌య్ ద‌త్ జీవితాన్ని క‌ళ్ళ‌కు క‌ట్టిన‌ట్టు చూపించిన సంగ‌తి తెలిసిందే. డ్ర‌గ్గ్స్‌కు అలవాటు పడటం, అక్రమ ఆయుధాల కేసులో జైలు శిక్ష అనుభవించడం, అమ్మాయిల‌తో ఎంజాయ్ చేయ‌డం, మూవీల్లో సెకండ్ ఇన్నింగ్స్‌తో అదరగొట్టడం.. ఇలా అన్ని కోణాల‌ని చూపించారు.

నాన్ స్టాప్ క‌లెక్ష‌న్స్ తో దూసుకెళుతున్న ఈ చిత్రం రానున్న రోజుల‌లో బాక్సాఫీస్ రికార్డులు చెరిపేయ‌డం ఖాయ‌మ‌ని కూడా  ప్రముఖ ట్రేడ్ అనలిస్ట్ తరణ్ ఆదర్శ్ అభిప్రాయపడుతున్నారు. ఈ సందర్భంగా తరణ్ ట్వీట్ చేస్తూ, రణబీర్ కెరీర్లోనే ఈ చిత్రం అత్యధిక వసూళ్లు రాబట్టిన చిత్రంగా నిలుస్తుందని చెప్పాడు. తొలివారంలోని తొలి రోజు 34.75 కోట్లు, 2వ రోజు 38.6 కోట్లు, 3వ రోజు అదివారం 46.71 కోట్లు, 4వ రోజు 25.35 కోట్లు, 5వ రోజు 22.10, 6వ రోజు 18.90, 7వ రోజు 16.10 కోట్ల రూపాయల వసూళ్లను రాబట్టిందని, ఈ చిత్రం వసూళ్లు ఇంకా  కొనసాగుతున్నాయని ఆయన ట్వీట్ చేశారు.

#Sanju is 200 NOT OUT... Has an EXTRAORDINARY Week 1... Crosses *lifetime biz* of #3Idiots [₹ 202.47 cr] in 7 days... Fri 34.75 cr, Sat 38.60 cr, Sun 46.71 cr, Mon 25.35 cr, Tue 22.10 cr, Wed 18.90 cr, Thu 16.10 cr. Total: ₹ 202.51 cr. India biz.

— taran adarsh (@taran_adarsh) July 6, 2018