ముంబై హోటళ్లో అలా పడివున్నది అందుకే..

Posted: 05/18/2018 04:44 PM IST

“ ఆయనది అందమైన లోకమే.. కోటి అశలతో సినీ రంగుల ప్రపంచంలోకి అడుగుపెట్టి.. ఎన్నో చిత్రాలకు రచయితగా వ్యవహరించి.. అనుష్క ప్రధానపాత్రలో గుణశేఖర్ దర్శకత్వంలో రూపొందిన 'రుద్రమదేవి' చిత్రానికి మాటలు రాసి.. తనకు గుర్తింపుకు కూడా తెచ్చుకున్నారు. అయనే రచయిత, దర్శకుడు రాజసింహ. సందీప్ కిషన్ హీరోగా నటించిన 'ఒక్క అమ్మాయి తప్ప' చిత్రంతో దర్శకుడిగానూ తానేంటో నిరూపించుకున్న రాజసింహ తాజాగా ఆయన విహారయాత్రలో భాగంగా ముంబైకి వెళ్లాడు.

అక్కడ హోటల్ లోని సోఫాలో అయన అపస్మారక స్థితిలో పడి వుండటాన్ని చూసిన పలువరు ఆయన ఆత్మహత్య చేసుకున్నారని అస్పత్రికి తరలించి చికిత్స చేయించారు. ఆయన అనుకున్నంత గుర్తింపు రానందునే ఆయన అత్మహత్యాయత్నానికి పాల్పడ్డారన్న వార్తలు సినీవర్గాలను కలవరపర్చాయి. అయితే చికిత్స తరువాత కోలుకున్న ఆయన పత్రికలను చూసి కలత చెందాడు. తాను ఆత్మహత్యయత్నానికి పాల్పడటం ఏంటని తనను తాను ప్రశ్నించుకున్నాడు.

అయితే ఈ విషయంలో నిజం లేదని, జరిగింది ఒకటైతే.. మీడయాలో వచ్చింది మరొకటని డైరెక్టర్ రాజసింహా అన్నారు. ఇదే విషయంపై ఆయన సోషల్ మీడియాలో ఓ సెల్ఫీ వీడియో పోస్ట్ చేశారు. తనకు షుగర్ వ్యాధి ఉంది. నిన్న ముంబైలో ఉండగా షుగర్ లెవెల్స్ ఒక్కసారిగా పెరిగాయి. దీంతో స్పృహ తప్పి పడిపోయానని చెప్పారు. తన పక్కన ఎవరూ లేకపోవడంతో అపస్మారక స్థితిలోకి వెళ్లిపోయానని చెప్పారు. తర్వాత అంతా హడావిడి అయిపోయింది. ఎవరో తనను అసుపత్రికి తీసుకెళ్లారని.. ప్రస్తుతం తన ఆరోగ్యం మెరుగుపడిందని.. తన ఆరోగ్యం గురించి కంగారు పడిన అందరికీ ధన్యవాదాలు చెప్పారు.