మెహబూబా టీజర్.. కొత్తగా పూరీ ప్రయత్నం

Posted: 02/09/2018 03:09 PM IST

త‌న కుమారుడు ఆకాశ్‌ పూరీని హీరోగా(పూర్తి స్థాయిలో) ప‌రిచ‌యం చేస్తూ ప్రముఖ దర్శకుడు పూరీ జగన్నాథ్‌ ‘మెహబూబా’ సినిమాని రూపొందిస్తోన్న విష‌యం తెలిసిందే. 1971 బార్డర్ నేపథ్యంలో ఓ లవ్ స్టోరీగా పూరీ దీనిని తెరకెక్కించాడు. హాలీవుడ్ స్ఠాయిలో ఉన్న విజువల్స్ ఆకట్టుకునేలా ఉన్నాయి. టీజర్ లను ఆసక్తికరంగా కట్ చేసే పూరీ మరోసారి మెహబూబాతో అదే మ్యాజిక్ చేశాడు. ఆకాశ్, నేహా శెట్టిలు లీడ్ రోల్ లో నటిస్తున్న ఈ చిత్రం త్వరలోనే విడుదలయ్యే అవకాశం ఉంది.

ఈ సినిమా టీజర్ ఈ రోజు విడుద‌లైన నేప‌థ్యంలో ప‌లువురు సినీ ప్ర‌ముఖులు దీనిపై స్పందించారు.

• పూరీ జగన్నాథ్‌ సినీ కెరీర్‌లోనే ఉత్తమమైన సినిమాలా ఉందని, ‘మెహబూబా’ అన్ని ప్రేమకథలను మేళవించి తీసినట్లు ఉందని ద‌ర్శ‌కుడు రామ్ గోపాల్ వ‌ర్మ ట్వీట్ చేశారు.
• ఈ సినిమా టీజ‌ర్ అద్భుతంగా ఉంద‌ని, ఆకాశ్‌కి మంచి భ‌విష్య‌త్ ఉంద‌ని న‌టి ప్రియ‌మ‌ణి ట్వీట్ చేసింది.
• టీజర్‌ చాలా చాలా బాగుంది. పూరీ, ఆకాశ్‌ కాంబినేషన్లో ఈ సినిమా‌ రావడం సంతోషంగా ఉంది. ఈ సినిమా విడుదల కోసం ఎదురుచూస్తున్నా’ అని న‌టుడు వ‌రుణ్ తేజ్ పేర్కొన్నాడు.
• వావ్ పూరీ స‌ర్.. సూప‌ర్బ్ అని ద‌ర్శ‌కుడు అనిల్ రవిపూడి, ర‌చ‌యిత కోన వెంక‌ట్ పేర్కొన్నారు.