నా పేరు సూర్య.. 6 కోట్లు లాస్?

Posted: 02/06/2018 06:35 PM IST

వక్కంతం వంశీ దర్శకత్వంలో 'నా పేరు సూర్య' సినిమా రూపొందుతోంది. అల్లు అర్జున్ సరసన అనూ ఇమ్మాన్యుయేల్ నటిస్తోన్న ఈ సినిమా, ఇప్పటికే చాలా వరకూ చిత్రీకరణను పూర్తి చేసుకుంది. అల్లు అర్జున్ కి తెలుగులోనే కాదు కేరళ .. కర్ణాటక ప్రాంతాల్లోను మంచి ఫాలోయింగ్ వుంది.

మరోవైపు బన్నీ హిందీ డబ్బింగ్ సినిమాలకు మంచి డిమాండ్ వుంది. లేటెస్ట్ గా డీజే హిందీ వర్షన్ క్రియేట్ చేసిన రికార్డులు తెలిసినవే. అందువలన డిజిటల్, డబ్బింగ్ రైట్స్ ద్వారానే అల్లు అర్జున్ బన్నీ తన చిత్రంలో సగం పెట్టుబడిని రాబట్టేస్తుంటాడు. తాజాగా 'నా పేరు సూర్య' సినిమాకి కూడా మంచి క్రేజ్ ఏర్పడింది. 'ఫస్టు ఇంపాక్ట్' బయటికి రాకముందే ఒక సంస్థ 12 కోట్లకి డిజిటల్ రైట్స్ ను దక్కించుకుంది.

ఫస్టు ఇంపాక్ట్ బయటికి వచ్చిన తరువాత, ఈ సినిమాపై అంచనాలు మరింతగా పెరిగిపోయాయి. దాంతో మరో సంస్థవారు వచ్చి డిజిటల్ రైట్స్ ఇవ్వమంటూ 18 కోట్లు ఆఫర్ చేశారట. అప్పటికే 12 కోట్లకి అగ్రిమెంట్ కూడా పూర్తికావడంతో నిర్మాతలు తొందరడినట్లు అర్థం చేసుకున్నారు. ఇక మీదైనా జాగ్రత్తగా వ్యవహరించాలని డిసైడ్ అయ్యారంట.