టాలీవుడ్ లో పూజా టైమ్ స్టార్ట్

Posted: 02/01/2018 07:15 PM IST

ముకుంద, ఒక లైలా కోసం చిత్రాలతో తెలుగులో ఫ్యాన్ ఫాలోయింగ్ సంపాదించుకున్న పూజా హెగ్డే తర్వాత బాలీవుడ్ కు ఎగిరిపోయింది. కానీ ఆ సినిమా అట్టర్ ఫ్లాపవ్వడంతో అక్కడ్నించే అటే ప్యాకప్ అయిపోయిందీ బ్యూటీ. ఆ తరువాతే దువ్వాడ జగన్నాథం సినిమాలో అవకాశం వచ్చింది. బికినీ, చిట్టి బట్టల్లో ట్రీట్ తో అందరి కళ్లలో పడింది.

వెరసి ఆమెకు మంచి రోజులు మొదలయ్యాయనే చెప్పాలి. ప్రస్తుతం బెల్లం కొండ శ్రీనివాస్ సినిమా సాక్ష్యంలో నటిస్తోంది. అలాగే రంగస్థలం సినిమాలో చెర్రీతో పాటూ ఐటెమ్ సాంగ్ చేసింది. ఇప్పుడు ఏకంగా సూపర్ స్టార్ మహేష్ బాబు 25వ చిత్రంలో ఛాన్స్ దక్కించుకుంది.

మరోవైపు ఎన్టీఆర్ -త్రివిక్రమ్ సినిమాలో కూడా ఛాన్స్ దక్కిందనే చెబుతున్నారు. ఈ లెక్కన టాలీవుడ్ లో కాజల్ - సమంత - రకుల్ ప్రీత్ సింగ్...లాగా పూజా హైలెట్ అయ్యే టైం దగ్గర పడిందనే అంటున్నారు.