పెళ్లికి రెడీ అయిన కమెడియన్ ప్రియదర్శి

Posted: 01/30/2018 05:30 PM IST

‘పెళ్లి చూపులు’ చిత్రంలో కౌశిక్ అనే ఒక్క క్యారెక్టర్ తో ప్రియదర్శి కమెడియన్ గా ఎంతలా క్లిక్ అయ్యాడో చెప్పనక్కర్లేదు. గతేడాది 14 సినిమాల్లో నటించాడంటే అతిశయోక్తి కాదు. అందులో స్పైడర్(తమిళ్), ఘాజీ లాంటి వేరే భాష చిత్రాలు కూడా ఉన్నాయి. అంతెందుకు ఈ ఏడాది కూడా దాదాపు అంతే బిజీగా సినిమాలు చేస్తున్నాడు. అయితే మేకర్లు ను కాస్త గ్యాప్ ఇవ్వమని ఇతగాడు రిక్వెస్ట్ చేశాడంట. అందుకు కారణం.., పెళ్లికి సిద్ధమైపోతున్నాడంట.

రిచాశర్మ అనే యువతితో ప్రియదర్శి పెళ్లికి సిద్ధమైనట్లు ఓ వార్త అందుతోంది. వచ్చే నెల 23న ఓ ప్రముఖ వెడ్డింగ్ హాల్ లో వీరిద్దరూ జంటగా మారబోతున్నారంట. అయితే దీనిపై ఇరు కుటుంబాల నుంచి ఎటువంటి ప్రకటన వెలువడకపోయినా.. సోషల్ మీడియాలో మాత్రం వార్త వైరల్ అవుతోంది.

అసలైతే గత కొన్ని నెలల క్రితమే పెళ్లి చేసుకోవాలని అనుకున్నాడట. కానీ బిజీ షెడ్యూల్ వల్ల కుదరలేదట. ప్రస్తుతం అ!, తొలిప్రేమ, రవితేజ చిత్రాలతోపాటు తమిళ్ పెళ్లి చూపుల్లో కూడా ప్రియదర్శి కనిపించబోతున్నాడు.