కృష్ణార్జున యుద్ధం రూమర్ పై నాని స్పందన

Posted: 01/20/2018 06:06 PM IST

యువ హీరోల్లో నాని - శర్వానంద్ ల ట్రాక్ రికార్డులు దాదాపు ఒకేలా ఉన్నాయి. గత కొంత కాలంగా ఇద్దరు మంచి సక్సెస్ లను అందుకుంటున్నారు. ముఖ్యంగా నాని అయితే నిర్మాతలు బయ్యర్లకు మంచి కలెక్షన్స్ ని అందిస్తున్నాడు.

అయితే ఈ మధ్యలో ఓ ప్రముఖ దినపత్రిక శర్వా కథనే నాని చేస్తున్నాడు అని వార్తలు రాయగా.. అది వైరల్ అయ్యింది. దీనిపై నాని స్పందించాడు. అందులో ఎలాంటి నిజం లేదు. ఆ కథ శర్వాది కాదు. మొదట నా దగ్గరికి రాగానే ఒకే చేశాను అని నాని అనుమానాలకు తెరదించాడు. ఇంతకీ అది ఏంటో కాదు.. మేర్లపాక గాంధీ దర్శకత్వంలో చేస్తున్న కృష్ణార్జున యుద్ధం. ఇందులో నాని డ్యుయెల్ రోల్ చేస్తుండగా.. ఆ రోల్స్ లుక్కులు ఈ మధ్యే రివీల్ అయ్యాయి.

అనుపమ పరమేశ్వరన్, రక్షర్ లు హీరోయిన్ గా నటిస్తున్న ఈ చిత్రం ఏప్రిల్ లో రిలీజ్ కానుంది. హిప్ హాప్ తమీజ్ సంగీతం అందిస్తున్నాడు. మరి ఈ సినిమా నేచురల్ స్టార్ సక్సెస్ ట్రాక్ ని పెంచుతుందో లేదో చూడాలి.

అ.. వాయిదా?

నటుడిగానే కాదు నాని.. నిర్మాతగా మారి ఓ చిత్రాన్ని కూడా నిర్మించబోతున్న విషయం తెలిసిందే. అదే అ!. ఈ సినిమా షూటింగ్ ఇప్పటికే దాదాపుగా పూర్తయింది. ప్రమోషన్ పనులు కూడా ముందే మొదలుపెట్టేశారు. ముందుకు అనుకున్న ప్రకారమైతే ఈ సినిమా ఫిబ్రవరి మొదటివారంలో థియేటర్లకు రావాల్సి ఉంది. దీనిని పోస్ట్ పోన్ చేయాలనే ఆలోచనలో నిర్మాత నానితోపాటు సినిమా యూనిట్ ఉంది. ఎందుకంటే ఫిబ్రవరిలో చాలా సినిమాలు రిలీజుకు రెడీగా ఉన్నాయి. పోటీ మధ్య అ! సినిమా దింపడం వల్ల ఆశించిన కలెక్షన్లు రావనే ఉద్దేశంతో రిలీజ్ ను పోస్ట్ పోన్ చేయడమే మంచిదని నాని అండ్ టీం భావిస్తోంది. కొత్త డేట్ త్వరలోనే అఫీషియల్ గా ప్రకటించే ఛాన్స్ ఉంది.

కాజల్ తో నాని... 

నాగ్ తో నాని చేయబోయే మల్టీస్టారర్ కోసం కాజల్ ను ఎంచకున్నట్లు ఓ వార్త చక్కర్ల కొడుతోంది. భలే మంచి రోజు ఫేమ్ శ్రీరామ్ ఆదిత్య డైరెక్షన్ లో తెరకెక్కబోతున్న ఈ చిత్రం త్వరలో షూటింగ్ ప్రారంభం కాబోతుంది.