కన్నడలో మరో క్రేజీ మల్టీస్టారర్ మూవీ

Posted: 12/08/2017 06:58 PM IST

కన్నడ స్టార్లు దునియా విజయ్, గోల్డెన్ స్టార్ గణేష్ ఇద్దరూ దాదాపు ఒకేసారి కెరీర్ ను ప్రారంభించిన వాళ్లే. శాండల్ వుడ్ లో బెస్ట్ ఫ్రెండ్స్ వీరిద్దరూ. వరుస హిట్లతో దూసుకుపోయిన ఈ హీరోలకు తర్వాత కొంత కాలం వరుస ఫ్లాపులే ఎదురయ్యాయి. తర్వాత గణేశ్ మాత్రం సక్సెస్ ట్రాక్ ఎక్కినప్పటికీ.. విజయ్ కు మాత్రం హిట్లు పడలేదు. దీంతో విజయ్ నెగటివ్ రోల్స్ చేసేందుకు కూడా రెడీ అయిపోయాడు.

ఇక ఈ ఇద్దరు ఫ్రెండ్స్ ఇప్పుడు ఓ చిత్రం చేసేందుకు సిద్ధమైపోయారు. ప్రీతమ్ గబ్బీ డైరెక్షన్ లో తెరకెక్కబోయే ఈ చిత్రం కోసం ఇద్దరూ ఉవ్విళ్లూరిపోతున్నారు కూడా. గతంలో ఆయన డైరెక్షన్ లో ఈ ఇద్దరు హీరోలు(విడివిడిగా) నటించారు కూడా.

ముంగరు మలై(వాన ఒరిజినల్ చిత్రం), దునియా చిత్రాలు విడుదలై పదేళ్లు పూర్తైంది. ‘‘కన్నడలో మల్టీస్టారర్ చిత్రాలు బోలెడు వస్తున్నప్పటికీ వీరిద్దరూ కలిసి నటించకపోవటం విడ్డూరం. అందుకే ఈ చిత్రం త్వరగా పట్టాలెక్కించేందుకు సిద్ధమైపోయా’’ అని దర్శకుడు ప్రీతమ్ ఓ ప్రకటనలో తెలిపారు.