రెజీనాను తాకటం యాక్సిడెంటల్ ఘటన : నారా రోహిత్

Posted: 11/22/2017 04:46 PM IST

నారా రోహిత్, రెజీనా కాంబోలో రాబోతున్న బాలకృష్ణుడు చిత్రం ట్రైలర్ ఆ మధ్య విడుదలైన సంగతి తెలిసిందే. అది బయటికొచ్చాక అందులోని ఓ సన్నివేశం గురించి కొన్ని యూట్యూబ్ ఛానెళ్లు పెడార్థాలతో హెడ్డింగ్ లు పెట్టి పోస్టులు చేశాయి. దీనిపై నారా హీరో ఓ రీసెంట్ ఇంటర్వ్యూలో స్పందించాడు.

అది కమర్షియల్ ఫైట్ లో భాగంగా తీసిన సన్నివేశం. అనుకోకుండా జరిగిన ఘటన. అలాంటిదానికి కామెంట్ చేయాల్సిన అవసరం లేదని అని రోహిత్ ఐడ్రీమ్స్ ఇంటర్వ్యూలో తెలిపారు. సెకన్ తక్కువ నిడివి ఉన్న ఆ దృశ్యాన్నే హైలెట్ చెయ్యటం సరికాదన్న ఆయన.. పట్టించుకోమన్న రీతిలో సమాధానం ఇచ్చారు. అదే సమయంలో ఇద్దరి మధ్య ఏదో నడుస్తుందన్న వార్తలను ఆయన ఖండించారు. వరుస చిత్రాలు చేసినంత మాత్రాన ఇలా అఫైర్లు అంటగట్టడం సరికాదని రోహిత్ మీడియాకు సూచించాడు.

ఇక ఇదే అదనుగా సందులో సడేమియా అంటూ ఓ ఛానెల్ వాళ్లు వీడియోను రిపీట్ మోడ్ లో పెట్టి ప్లే చేయటం.. ఇంకొన్ని ఛానెళ్లు అయితే ఆ సీన్ నే థంబ్ నెయిల్ గా(వీడియో ముఖ్యచిత్రంగా) పోస్టు చేసి ఆనందించటం చూడొచ్చు.ఈ మధ్యే సైబర్ క్రైమ్ పోలీసులు కూడా వాటికి అడ్డుకట్ట వేయాలని హెచ్చరించినా కొందరు పట్టించుకోకపోవటం గమనార్హం.