వెంకీ-తేజ మూవీ హీరోయిన్ ఫిక్స్?

Posted: 11/15/2017 04:48 PM IST

మల్లూ బ్యూటీ నిత్యామీనన్ ఏడాది కాలంగా టాలీవుడ్ లో కొత్త సినిమాలేవీ ఒప్పుకోవటం లేదు. మహానటితోపాటు మరో రెండు క్రేజీ ప్రాజెక్టులను వదులుకుని ఆశ్చర్యానికి గురిచేసింది. ప్రస్తుతం ఫిట్ నెస్ మీద దృష్టిసారించి స్లిమ్ అవతార్ లోకి మారింది.

ఈ నేపథ్యంలో ఆమె ఓ కొత్త సినిమాకు సైన్ చేయబోతుందని తెలుస్తోంది. తేజ దర్శకత్వంలో వెంకటేష్ హీరోగా (ఆటా నాదే.. వేటా నాదే... టైటిల్ పరిశీలనలో ఉంది) చిత్రం తెరకెక్కబోతున్న విషయం తెలిసిందే. ఈ చిత్రం కోసం నిత్యామీనన్ ను ఆల్ మోస్ట్ ఎంపిక చేసినట్లు సమాచారం. దీనిపై అధికారిక ప్రకటన రావాల్సి ఉంది.

గతంలో వీరిద్దరి కాంబోలోనే ఆడాళ్లు మీకు జోహార్లు చిత్రం రావాల్సి ఉంది. అయితే అఫీషియల్ అనౌన్స్ మెంట్ అయ్యాక కూడా ఆ చిత్రం ఎందుకనో ఆగిపోయింది. ఈ నేపథ్యంలో తేజ కాంబో చిత్రంలో వీరిద్దరూ ఒకటిగా నటించబోతున్నారన్న వార్త ఇప్పుడు చక్కర్లు కొడుతుంది. డిసెంబర్ 13 నుంచి తేజ-వెంకీ చిత్రం షూటింగ్ ప్రారంభం కానుంది.