ఓవర్సీస్ లో ‘గరుడ వేగ’ వీరవిహారం

Posted: 11/11/2017 12:55 PM IST

సీనియర్ హీరో రాజశేఖర్ గరుడ వేగ .. విడుదల రోజునే సక్సెస్ టాక్ తెచ్చుకుంది. మొదటి రోజు తక్కువ స్క్రీన్ల మూలంగా డల్ కలెక్షన్లు వచ్చినప్పటికీ.. రెండవ రోజు నుంచే ఈ సినిమా వసూళ్లు పుంజుకున్నాయి. కొత్త సినిమాలు విడుదల కావటంతో తెలుగు రాష్ట్రాల్లో ఈ సినిమా వసూళ్ల కాస్త తగ్గినప్పటికీ... 5 రోజుల్లోనే 15 కోట్లను వసూలు చేసిన ఈ సినిమా, ఓవర్సీస్ లోను భారీ వసూళ్లను రాబడుతూ దూసుకుపోతోంది.

ఓవర్సీస్ లోని కొన్ని ప్రాంతాల్లో స్క్రీన్స్ పెంచడం ఓ విశేషమైతే, అక్కడ 'రాజుగారి గది 2' .. 'ఉన్నది ఒకటే జిందగీ' వసూళ్లను ఈ సినిమా అధిగమించడం మరో విశేషం. ప్రస్తుతం అక్కడ ఈ సినిమా, 'రాజా ది గ్రేట్' వసూళ్లకు దగ్గరలో వుంది. ఈ వసూళ్లను కూడా 'గరుడ వేగ' క్రాస్ చేసే అవకాశాలు వున్నాయనే టాక్ వినిపిస్తోంది.

చాలా గ్యాప్ తరువాత రాజశేఖర్ చేసిన 'గరుడ వేగ' .. తెలుగు రాష్ట్రాలతో పాటు ఓవర్సీస్ లోను దూసుపోతుండటం పట్ల ఆయన అభిమానులు ఖుషీ అవుతున్నారు. మరోవైపు ఈ చిత్రం కోసం చాలా కష్టపడ్డానని చెప్పుకుంటున్న రాజశేఖర్.. విడుదలకు ముందు హార్ట్ ఎటాక్ కూడా వచ్చిందంటూ మరో బాంబు పేల్చారు.