కాబోయే భర్త గురించి నటి నమిత

Posted: 11/13/2017 10:10 AM IST

పుకార్లకు పుల్ స్టాప్ పెడుతూ తన ప్రియుడు వీరేంద్ర చౌదరినే పెళ్లాడబోతున్నట్లు నటి నమిత ఇన్ స్టాగ్రామ్ లో వీడియో ద్వారా అధికారికంగా ప్రకటించిన విషయం తెలిసిందే. ఈనెల 24న తిరుపతిలో వీరిద్దిరి వివాహం శాస్త్రోక్తంగా జరగనుంది. ఈ సందర్భంగా నమిత మాట్లాడుతూ... తన భర్త గురించి, తమ ప్రేమ గురించి పలు ఆసక్తికర విషయాలను వెల్లడించారు.

వీరు నాకు బెస్ట్ ఫ్రెండ్... అతను ఓ నిర్మాత, మంచి నటుడు కూడా అని నమిత తెలిపింది. ప్రేమ వివాహమే అయినప్పటికీ.. పెద్దలను ఒప్పించి తాము ఒక్కటవుతున్నామని ఆమె చెప్పింది. 2016లో శశిధర్ అనే స్నేహితుడి ద్వారా వీర్ నమితకు పరిచయం అయ్యాడంట. అలా మొదలైన వారి స్నేహం క్రమక్రమంగా ప్రేమగా మారిందంట. 2017 సెప్టెంబర్ 6న బీచ్ లో క్యాండిల్ లైట్ డిన్నర్ ను ఏర్పాటు చేసి, వీర్ తనకు ప్రపోజ్ చేశాడని వెల్లడించింది.

అలాంటి సర్ ప్రైజ్ ను తాను ఊహించలేదని, కానీ, ఇద్దరి టేస్టులు ఒక్కటే కావటంతో సంతోషంగా ఒప్పుకుందంట. ఆపై మూడు నెలలు అతనితో డేట్ చేసి ఎంతో స్టడీ చేసిందంట. నిజానికి మగవాళ్ల పట్ల తనకు నమ్మకం పోయిందని... కానీ, వీర్ ను చూసిన తర్వాత పోయిన నమ్మకం మళ్లీ కలిగిందని తెలిపింది. చివరకు తమ పేరెంట్స్ ఎదుట ఈ ప్రపోజల్ ను ఉంచి పెళ్లికి ముహుర్తం ఫిక్స్ చేసుకున్నాకే మీడియాకు వెల్లడించానని ఆమె తెలిపింది.