మహానుభావుడు స్క్రీన్లను పెంచేశారు

Posted: 10/05/2017 04:32 PM IST

శర్వానంద్ మహానుభావుడు డీసెంట్ టాక్ సంపాదించుకున్న కలెక్షన్లు మాత్రం అంతంత మాత్రంగానే వస్తున్నాయి. అయితే పరిస్థితి మెల్లిగా మారుతుండటంతో మున్ముందు పెరిగే అవకాశం ఉన్నట్లు తెలుస్తోంది. నైజాంలో రెండు పెద్ద చిత్రాలకు ఎక్కువ సంఖ్యలో థియేరట్లు దక్కటం కూడా ఓ ఆటంకంగా మారింది. ఈ నేపథ్యంలో యూత్ తో పాటు ఫ్యామిలీ ఆడియన్స్ నుంచి ఈ సినిమాకి మంచి ఆదరణ లభిస్తుండటంతో థియేటర్ల సంఖ్య పెంచాలని నిర్ణయించుకున్నారు.

ఈ సినిమాకి పోటీగా ఈ వీకెండ్ లో మరో సినిమా ఏదీ లేకపోవడంతో, అదనంగా మరో 100 థియేటర్లను పెంచారట. ఒక్క హైదరాబాద్ లోనే 70 థియేటర్లను పెంచినట్టుగా చెబుతున్నారు. దీని వలన వీకెండ్ వసూళ్లు మరింతగా పెరుగుతాయని భావిస్తున్నారు. పైగా ఈ స్థాయిలో థియేటర్లను పెంచడం ఇదే మొదటిసారి అని చెబుతున్నారు.

అతిశుభ్రత(ఓసీడీ)వ్యాధితో బాధపడే ఓ యువకుడు.. దాని మూలంగానే తన ప్రేమ సమస్యల్లో పడటం.. దానిని ఎలా అధిగమించాడు అన్న కాన్సెప్ట్ ను మారుతి చాలా ఎంటర్ టైనింగ్ గా తెరకెక్కించాడు. కథనాలు ఆ రెండింటితో కలిపి అందించిన కామెడీ ఈ సినిమాకి బలంగా నిలిచాయి కూడా.

మమానుభావుడు ఐదు రోజుల కలెక్షన్లు

నైజాం : Rs 3.7 కోట్లు
సీడెడ్ : Rs 1.72 కోట్లు
ఉత్తరాంధ్ర : Rs 1.88 కోట్లు
తూర్పు గోదావరి : Rs 1.18 కోట్లు
పశ్చిమ గోదావరి : Rs 0.7 కోట్లు
కృష్ణా : Rs 1.04 కోట్లు
గుంటూరు : Rs 1.32 కోట్లు
నెల్లూరు : Rs 0.38 కోట్లు

మొత్తం 5 రోజుల కలెక్షన్లు తెలుగు రాష్ట్రాల్లో : Rs 11.92 కోట్లు (షేర్)

మొత్తం ప్రపంచ వ్యాప్తంగా : Rs 14.93 కోట్లు