మంచు లక్ష్మీ టాటూ వెనుక అర్థం అదే!

Posted: 10/04/2017 01:02 PM IST

నటిగానే కాదు ఫ్యాషన్ ఐకాన్ గా కూడా ఈ మధ్య మంచు లక్ష్మీ ప్రసన్న ఈ మధ్య వార్తల్లో నిలుస్తోంది. ఫోటో షూట్ లు, ర్యాంప్ వాక్ లు ఓ వైపు, మరోవైపు సోషల్ మీడియాలో ఎప్పటికప్పుడు యాక్టివ్ గా ఉంటూ ప్రతీ అంశంపై స్పందిస్తూ వస్తోంది. ఇదిలా ఉంటే ఆ మధ్య లక్ష్మీ భుజం మీద వేయించుకున్న ఓ టాటూ హాట్ టాపిక్ గా మారింది.

గత నెలలో ప్రముఖ నిర్మాత శ్యామ్ ప్రసాద్ రెడ్డి కూతురి పెళ్లికి హాజరైన లక్ష్మీ వేడుకలో తెగ సందడి చేసిన విషయం గుర్తుండే ఉంటుంది. ఈ సందర్భంగా ఆమె కుడి భుజం కింద, వీపు మీద ఓ టాటూ అందరి దృష్టిని ఆకర్షించింది. అయితే టాటూ స్పష్టంగా కనిపించకపోవటంతో అసలు అదేంటీ? అన్న అనుమానాలు మొదలయ్యాయి. ఇదిలా ఉంటే రీసెంట్ గా ఓ ఫోటో షూట్ కోసం ఆమె ఉంచిన ఫోటోలు అదేంటో రివీల్ చేసేశాయి.

వాట్ యూ సీక్ ఈజ్ సీకింగ్ యూ.. అంటే నువ్వు ఒకదానిని కోరుకుంటే.. దానిని సాధించాలన్న పట్టుదల నీలో బలంగా ఉండటమే ఆ కోరికకు కారణం... అని అర్థం. ప్రముఖ పర్షియన్ రచయిత రుమీ రాసిన ఈ కొటేషన్ ను ఆమె పచ్చ బొట్టులా పొడిపించుకుందన్న మాట. మొత్తానికి సమంత, తాప్సీ, దీపికలా వ్యక్తులకు సంబంధించి కాకుండా ఇలా ఓ ఫేమస్ కోట్ తో లక్ష్మీ మరోసారి ఆకట్టుకుంది.