జై లవకుశ సెన్సార్ పనులు పూర్తి.. యూ బై ఏ సర్టిఫికెట్

Posted: 09/13/2017 04:15 PM IST

జై లవకుశ కీలక ఘట్టం మొత్తానికి ముగిసింది. ఎన్టీఆర్ .. బాబీ కాంబినేషన్లో తెరకెక్కిన 'జై లవ కుశ' సెన్సార్ కార్యక్రమాలను పూర్తి చేసుకుని, సింగిల్ కట్ లేకుండా యు/ఏ సర్టిఫికెట్ ను సంపాదించుకుంది. ఇక మిగిలింది ఈ నెల 21వ భారీ స్థాయిలో చిత్రాన్ని రిలీజే.

ఎన్టీఆర్ అన్నయ్య, నిర్మాత కళ్యాణ్ రామ్ స్వయంగా ఈ విషయాన్ని తెలియజేశాడు. 155 నిమిషాలు అంటే 2 గంటల 35 రన్ టైం ఉన్న జై లవకుశలో యాక్షన్ సన్నివేశాలతోపాటు హింస కూడా కాస్త ఎక్కువగానే ఉండటంతో యూ బై ఏ ఇచ్చినట్లు తెలుస్తోంది. ఆ అంశం పక్కన పెడితే క్లీన్ ఫ్యామిలీ ఎంటర్ టైనింగ్ గా, అంతే కామెడీ సీక్వెన్స్ తో జై లవకుశ తెరకెక్కినట్లు తెలుస్తోంది. ఇప్పటికే ఈ సినిమా నుంచి వచ్చిన టీజర్లకు .. ట్రైలర్ కు .. ఆడియోకి అనూహ్యమైన రెస్పాన్స్ వచ్చింది. ఒక్కో పాత్రలో ఒక్కో లుక్ తో ఎన్టీఆర్ చేసిన నట విన్యాసాన్ని చూడటానికి అభిమానులంతా ఆసక్తిని చూపుతున్నారు. ముఖ్యంగా జై పాత్రపై...

మరోపక్క హీరోయిన్లు రాశిఖన్నా .. నివేదా థామస్ గ్లామర్ ప్రత్యేక ఆకర్షణ కావడం కూడా వాళ్ల ఆసక్తికి మరో కారణమవుతోంది. ఎన్టీఆర్ కెరియర్లోనే ఈ సినిమాకి ప్రత్యేక స్థానం దక్కుతుందని అంటున్నారు. చూడాలి మరి ఈ చిత్రం ఏ రేంజ్ హిట్ అవుతుందో.. కలెక్షన్లపరంగా ఎన్ని కోట్లను కొల్లగొడుతుందో. యూఎస్ లో ఓ రోజు ముందుగానే అంటే సెప్టెంబర్ 20 ప్రీమియర్ షోలు 180 లోకేషన్లలో పడనున్నాయి.

ఎన్టీఆర్ కు సమస్యలేవీ లేవు

 

యమ దొంగ పార్ట్ 2