అర్జున్ రెడ్డి హీరోయిన్ షాలినికి అస్వస్థత

Posted: 09/13/2017 03:49 PM IST

'అర్జున్ రెడ్డి'లో హీరోయిన్ షాలిని పాండే తీవ్ర అస్వస్థతకు గురైంది. బుధవారం నెల్లూరులో ఓ సెల్ ఫోన్ షాపును ఓ సెల్ ఫోన్ షాపు ప్రారంభోత్సవానికి వచ్చిన ఆమె అస్వస్థతకు గురైంది. అధిక జ్వరం, తీవ్రమైన తలనొప్పి కారణంగా షోరూములో సొమ్మసిల్లి పడిపోయింది. వెంటనే నగరంలోని బొల్లినేని మల్టీ స్పెషాలిటీ ఆసుపత్రికి షోరూమ్ నిర్వాహకులు తరలించారు.

అంబులెన్స్ నుంచి సైతం దిగేందుకు ఆమె శరీరం సహకరించకపోవడంతో, స్టెచ్చర్ పై ఆమెను ఆసుపత్రి లోపలికి తరలించాల్సి వచ్చింది. ప్రస్తుతం ఆమెను ఐసీయూలో ఉంచి చికిత్సను అందించారు. ప్రాథమిక చికిత్స చేసిన అనంతరం ఆమె కోలుకున్నారని, కాసేపటికి ఆమెను డిశ్చార్జ్ చేశామని బొల్లినేని ఆసుపత్రి వైద్యులు తెలిపారు.

రెండు రోజులుగా జ్వరంతో బాధపడుతున్నప్పటికీ ముందుగా కమిట్ మెంట్ ఇచ్చిన కార్యక్రమం కావటంతో ఆమె హఠాత్తుగా పడిపోయినట్టు తెలుస్తోంది. ఆమెను లేపేందుకు ఎంతగా ప్రయత్నించినా సాధ్యం కాకపోవడంతో, హుటాహుటిన బొల్లినేని సూపర్ స్పెషాలిటీ ఆసుపత్రికి ఆంబులెన్స్ లో తరలించారు. అర్జున్ రెడ్డి చిత్రం ద్వారా యూత్ లో మంచి పేరు సంపాదించుకున్న షాలిని పాండే వస్తుందన్న సమాచారంతో షాపు వద్దకు పెద్ద ఎత్తున్న జనాలు చేరుకున్నారు. ప్రస్తుతం మహానటి చిత్రంతో పాటు 100 పర్సంట్ లవ్ తమిళ్ రీమేక్ 100 పర్సంట్ కాదల్ కు ఆమె ఎంపికైంది.