అభిమానులను కలవరపెడుతున్న స్పైడర్

Posted: 08/12/2017 03:33 PM IST

టాలీవుడ్ ప్రిన్స్ మహేశ్ బాబు అభిమానులకు స్పైడర్ టెన్షన్ అలుముకుంది. ఇటీవలే మహేశ్ జన్మదినాన్ని పురస్కరించుకుని టీజర్ ను విడుదల చేసినప్పట్నించీ ఈ అందోళన మరింత పెరిగిందట. భయపెట్టడం మాకు వచ్చు అంటూ మహేశ్ తన అభిమానులనే భయపెడుతున్నాడా..? సరిగ్గా చిత్రం విడుదలకు సన్నధ కార్యక్రమాలు జరుగుతున్న క్రమంలో అభిమానుల్లో టెన్షన్ ఏందుకు.? అసలేం జరిగింది..? అన్న ప్రశ్నలు చిత్రపురిలో చక్కర్లు కొడుతున్నాయ్.

పలుమార్లు విడుదల డేట్స్ ను వాయిదా వేసుకుంటూ వస్తున్న స్పైడర్ చిత్రం ఎప్పుడెప్పుడు విడుదలవుతుందా అని టాలీవుడ్ ప్రిన్స్ మహేశ్ ఫ్యాన్స్ ఎంతో అసక్తిగా ఎదురుచూస్తున్నారు. ఈ క్రమంలో విడుదలైన టీజర్ విడుదలైన టీజర్ ఏకంగా కోటి వ్యూస్ దాటేసి దూసుకెళ్లున్న క్రమంలో అభిమానులను మాత్రం సరికొత్త టెన్షన్లు వెంటాడుతున్నాయి. తెలుగు, తమిళ బాషల్లో ఒకేసారి ఈ చిత్రం విడుదల కానుంది. అదు అభిమానుల్లో టెన్షన్ కు కారణమైంది.

మహేశ్ స్పైడర్ చిత్రంలో తమిళ నటీనటులు ఎక్కువగా ఉండటమే మహేశ్ అభిమానులకు కాస్త ఆందోళన కలిగిస్తున్నట్టు తెలుస్తోంది. ఈ సినిమాలో మెయిన్ విలన్ ఎస్.జె. సూర్య .. మరో విలన్ భరత్ తమిళ ఆర్టిస్టులే. ఇక రకుల్ తల్లి పాత్రలోను .. మరో ముఖ్యమైన పాత్రలోను కనిపించేది తమిళులే. అక్కడి ఆడియన్స్ కి ఈ సినిమాను ఎక్కించడానికి ఎక్కువమంది తమిళులని పెట్టడం, తెలుగు ఆడియన్స్ ను కాస్త అసహనానికి గురిచేస్తుందేమోననే ఆందోళనకి అభిమానులు గురవుతున్నారు. అలాంటి ఇబ్బంది తలెత్తకుండా మురుగదాస్ ఏం చేశాడో చూడాలి.