తల్లి పాత్రలో మళ్లీ నిన్నటి హారోయిన్

Posted: 08/12/2017 01:07 PM IST

నిన్నటితరం కథానాయికగా మంచి క్రేజ్ తెచ్చుకున్న మీనా ఇకపై తల్లి పాత్రలకే ఫిక్స్ కానుందా.?  చైల్డ్ ఆర్టిస్ట్ గా చిత్రసీమలోకి అడుగుపెట్టిన మీనా.. తన ఫుల్ టైమ్ ఎంట్రీతో స్టార్ హీరోయిన్ ఇమేజ్ ను సొంతం చేసుకుంది. అనతికాలంలోనే టాప్ హీరోల సరసన హీరోయిన్ గా నటించి పెళ్లి చేసుకుని స్థిరపడిపోయింది. ఆ తరువాత సెకండ్ ఇన్నింగ్స్ ను ప్రారంభించింది. వెంకటేష్ మీరోగా నటించి దృశ్యం చిత్రంలో తల్లి పాత్రలో ఒదిగిపోయి.. తన బిడ్డల కోసం తపన పడిన తల్లిగా అకట్టుకుంది.

ఇక ఆ చిత్రం తరువాత మళ్లీ అమెకు అవకాశాలు వచ్చినా.. పెద్దగా దృష్టిసారించలేదు. అందుకు కథలు కారణమో లేక కథలో తన పాత్ర కారణమో కావచ్చు. అయితే మళ్లీ వేస్తే గీస్తే తల్లి క్యారెటర్ లోనే నటించాలని మీనా ఫిక్స్ అయ్యిందా..? అన్న అనుమానాలు కూడా తెరపైకి వస్తున్నాయి. ఇన్నాళ్లుకు అమెను వెతుకుంటూ ఓ పాత్ర వచ్చింది. అయితే అందులో కూడా మీనా తల్లి పాత్రనే చేయనుందని సమాచారమే సందేహాలకు తావిస్తున్నాయి. తాజాగా అప్ కమ్మింగ్ హీరో బెల్లంకొండ సాయి శ్రీనివాస్ కు అమె హీరోగా నటిస్తున్నారని ఫిల్మ్ నగర్ టాక్.

జయ జానకి నాయక సినిమాను ప్రేక్షకుల ముందుకు పంపించాడో లేదో అంతలోనే తన నెక్ట్స్ సినిమాను కూడా వేగంగా పూర్తి చేస్తున్న బెల్లకొండ శ్రీనివాస్... కమర్షియల్ చిత్రాల దర్శకుడు శ్రీవాస్ తో కలసి ఒక సినిమాను తెరకెక్కిస్తున్నాడు. ఈ సినిమాలో హీరో చిన్నప్పటి ఎపిసోడ్ ఉందట. ఆయన తల్లి పాత్రకి మీనా అయితే బాగుంటుందని భావించి ఎంపిక చేశారు. ఈ ఎపిసోడ్ కి సంబంధించిన షూటింగ్ కూడా పూర్తయిందని అంటున్నారు. ఈ ఎపిసోడ్ కే దాదాపు 3 కోట్లు ఖర్చు చేశారనేది హాట్ టాపిక్ గా మారింది. సంక్రాంతికి ఈ సినిమాను విడుదల చేసే ఆలోచనలో వున్నారు.