స్పైడర్ టీజర్ రిలీజ్.. సైన్స్ ఫిక్షన్ జోనర్?

Posted: 06/01/2017 02:12 PM IST

మురుగదాస్ - మహేశ్ బాబు కాంబినేషన్లో రూపొందుతోన్న 'స్పైడర్' సినిమా టీజర్ వచ్చేసింది. కృష్ణ బర్త్ డే సందర్భంగా నిన్న రిలీజ్ కావలసిన ఫస్టు టీజర్ ఈ రోజుకి వాయిదా పడిన సంగతి తెలిసిందే. సరిగ్గా సమయానికే ఈ చిత్ర టీజర్ ను రిలీజ్ చేశారు. టైటిల్ కి తగినట్టుగానే ఫస్టు టీజర్ లో 'స్పైడర్'ను పరిచయం చేశారు.

శత్రువులకి సంబంధించిన రహస్య సమాచారాన్ని సంపాదించడానికి తయారు చేయబడిన రోబో స్పైడర్ లుక్ ఆసక్తిని రేకెత్తించేలా వుంది. మహేశ్ తన పనిలో నిమగ్నమై వుండగా ఆ స్పైడర్ భుజం మీదుగా పాకుతూ రావడం, డిస్ట్రబ్ చేయవద్దన్నట్టుగా " ష్ .." అని మహేశ్ అనడం .. ఈ టీజర్లో కనిపిస్తోంది.