రజనీ కాలా జీపుకు భలే గిరాకీ.. ఇంతకీ ఎవరు కొంటున్నారో తెలుసా?

Posted: 05/30/2017 03:03 PM IST

సూపర్ స్టార్ రజనీ కాంత్ క్రేజ్ ఎలా ఉంటుందో కబాలి టైంలో హోల్ వరల్డ్ కళ్లారా చూసింది. కాయిన్ల దగ్గరి నుంచి ఆకాశంలో ఎగిరే విమానాల దాకా రజనీ బ్రాండ్ నేమ్ వాల్యూ ను వాడేసుకున్నాయి కంపెనీలు. సినిమా హిట్ ఫట్టూ అన్న ఫలితంతో రజనీకి ఏ మాత్రం సంబంధం ఉండదు. ఆయన ఏం చేసిన.. ఫ్యాన్స్ ఫాలో అయి పండగ చేసుకోవాలి అన్నట్లు ఉంటుంది వ్యవహారం.

ఇప్పుడు కాలా సినిమా విషయంలోనూ అలాంటిదే ఒకటి జరిగింది. మహీంద్రా గ్రూప్ ఎగ్జిక్యూటివ్ చైర్మన్ ఆనంద్ మహీంద్రా స్వయంగా ఓ ట్వీట్ వేయటం ఫిల్మ్ వర్గాల్లో చర్చనీయాంశంగా మారింది. కాలా సినిమా పోస్టర్ లో ఓ మహీంద్రా జీప్ మీద రజనీ కూర్చున్న ఫోజు ఉంటుంది. సినిమా షూటింగ్ లో ఈ వాహనాన్నే వాడుతున్నాడు కూడా.

దీంతో ఆ వెహికిల్ ను ఎలాగైనా తన ఆటో మ్యూజియంలో ఉంచాలని భావించిన ఆనంద్ షూటింగ్ ట్విట్టర్ లో విజ్నప్తి చేశాడు. ఎంత ఖర్చైనా ఫర్వాలేదు.. షూటింగ్ అయిపోయాక జీపును ఇవ్వాలంటూ నిర్మాణ సంస్థ వండర్ బార్ ను కోరాడు. దీనికి స్పందించిన ధనుష్ వెంటనే తప్పకుండా అంటూ రిప్లై ఇచ్చాడు. జస్ట్ రజనీ వాడుతున్నాడన్న ఒకే ఒక్క కారణంగా ఆ బండికి మహర్దశ పట్టబోతుందన్న మాట.

Thank you so much sir !!! The vehicle is being used by superstar for shoot currently. Once completed will ensure it reaches you :) https://t.co/iuxBBlFYP0

— Dhanush (@dhanushkraja) May 29, 2017