పాజిటివ్ టాక్ తో పాగా వేసిన కేశవ

Posted: 05/20/2017 01:32 PM IST

Positive talk give soilid start to keshava

రోటిన్ కు భిన్నంగా వైవిధ్యభరితమైన కథా కథనంతో ప్రేక్షకుల ముందుకు వచ్చిన 'కేశవ' పాజిటివ్ టాక్ తో పాగా వేస్తుంది. ఎక్కడికి పోతావు చిన్నదానా చిత్ర విజయంతో మంచి జోష్ మీదున్న నిఖిల్ సిద్దార్థ్ కు ఈ చిత్రం మరింత అనందాన్ని ఇచ్చింది. దర్శకుడు సుధీర్ వర్మ ప్రతిభకి నూటికి నూరు మార్కులు వేసేస్తున్నారు ప్రేక్షకులు. కొత్త కంటెంట్ ను ఎంచుకుని.. దానిని అద్భుతంగా తెరపై ఆవిష్కరించడంతో విజయం సాధ్యమైందని సినీవర్గాల టాక్.

భారీ బడ్జెట్ తో ప్రేక్షకుల ముందుకు వచ్చిన జక్కన చిత్రం బాహుబ-2ను తట్టుకుని కేశవ నిలుస్తాడా..? అన్న సందేహాలు కూడా ప్రేక్షకులలో తలెత్తాయి. నటీనటులు .. సాంకేతిక నిపుణుల పారితోషికం సహా అన్ని కలుపుకుని ఆరున్నర కోట్లు వ్యయంతో నిర్మించిన ఈ చిత్రం బాహుబలి ముందు నిలుస్తుందా..? అన్న సందేహాలకు సుధీర్ వర్మ ప్రతిభ చెక్ పెట్టింది. ఇటు తెలుగు రాష్ట్రాలలోనే కాకుండా అటు ఓవర్ సీస్ లో కూడా ఈ సినిమాకు పాజిటివ్ టాక్ మంచి ఓపెనింగ్స్ ను తెచ్చిపెట్టింది.

దీంతో సుధీర్ వర్మ మంచి డైరెక్టర్ గా పేరు తెచ్చుకోగా, రోటిన్ కు విభిన్నమైన కథంశాలతో ప్రేక్షకుల ముందుకు వస్తున్న నిఖిల్ కు తన నటనా ప్రతిభిను మరోమారు చాటుకున్నాడు. ఇక సినిమా తీసిన తీరు ఇండస్ట్రీ ప్రముఖులను సైతం ఆశ్చర్య పరుస్తోంది. బాహుబలి లాంటి చిత్రం సృష్టిస్తున్న కలెక్షన్ల సునామీ ముందు చిన్న చిత్రాలు విడుదలైనా.. అంతగా రాణించలేకపోవడం.. బాహుబలే వాటి కలెక్షన్లను కూడా ఖాతాలో వేసుకుంది. ఈ తరుణంలో వచ్చిన కేశవ.. మాత్రం బాహుబలిని తట్టుకుని నిలబడే చిత్రంగా నిలుస్తుందన్న టాక్ రావడం కలిసోచ్చే అంశమే.