పోర్న్ నటిపై షార్క్ ఎటాక్.. సేఫ్

Posted: 05/09/2017 09:55 AM IST

వెరైటీ కోసం చేసే ప్రయోగాలు సక్సెస్ లు అయిన దాఖలాల కంటే వికటించిన సందర్భాలే ఉన్నాయి. పోర్న్ సినిమాల్లో కాస్త వైవిధ్యం ప్రదర్శిద్దామనుకున్న ఓ కంపెనీ వారు నీటి అడుగున ఓ హీరోయిన్ తో ఓ వీడియో షూట్ తీద్దామని ఫ్లాన్ వేశారు. అయితే అనుకోని అతిథి మూలంగా మొత్తం డిస్టర్బ్ కావటమే కాదు.. ఆ హీరోయిన్ కు గాయాలయ్యాయి కూడా.

ఫ్లోరిడాకు చెందిన కాంసోడా అనే ఓ ప్రముఖ బూతు చిత్రాల కంపెనీ శృంగార తార మోలీ కావాలీ(31) తో ఓ లైవ్ షో ఒప్పందం చేసుకుంది. అందులో బాగంగా 'షార్క్ కేజ్' పేరిట ఒక ఎపిసోడ్ ను చిత్రీకరించేందుకు నిర్మాణ సంస్థ ఏర్పాట్లు చేసింది. ముందుగా బోటులో సముద్రం మధ్యలోకి వెళ్లిన యూనిట్ కొన్ని ఫోటోలు తీసింది. ఆ తర్వాత అక్కడ షార్క్ చేపలు ఉన్న ప్రదేశంలో ఒక ఇనుప పంజరాన్ని (కేజ్) ను దించి, అందులో మోలీని దిగమంది. ఆమె నీటిలో హొయలు ఒలకబోస్తుంటే ఫోటోలు, వీడియోలు తీస్తూ ఉన్నారు. 

 

ఇంతలో ఎక్కడి నుంచి వచ్చిందో పదడుగుల ఓ లెమన్ షార్క్ వేగంగా వచ్చి ఆమె కాలిని అందుకుంది. అంతే.. షార్క్ కోరలకు ఆమె కాలు దొరకడంతో లోతుగా గాయమైంది. దీంతో శృంగార తార వేగంగా నీటిపైకి వచ్చి కన్నీటి పర్యంతమైంది. షూటింగ్ రద్దు చేసి, ఆమెను చిత్ర యూనిట్ ఆసుపత్రికి తరలించింది. కాలికి 20 కుట్లు పడ్డప్పటికీ పెద్దగా ప్రమాదం లేదని, తాను ఆరోగ్యంగానే ఉన్నానని మోలీ తన ఫ్యాన్స్ కు ఓ మెసేజ్ పంపింది.