త్రివిక్రమ్-పవన్ మూవీ రెగ్యులర్ షూటింగ్ ప్రారంభమైంది

Posted: 04/03/2017 12:03 PM IST

Pawan trivikram movie regular shoot start

కాటమరాయుడు మిక్స్ డ్ టాక్ తో పవర్ స్టార్ కి ఇప్పుడు ఓ బ్లాక్ బస్టర్ హిట్ చాలా అవసరం. అందుకే మాటల మాంత్రికుడు త్రివిక్రమ్ శ్రీనివాస్ తో కొత్త చిత్రాన్ని సిద్ధం చేస్తున్నాడు. అల్రెడీ ముహుర్తం లాంఛ్ అయిన ఈ సినిమా రెగ్యులర్ షూటింగ్ సోమవారం నుంచి ప్రారంభం కాగా, పవన్ కూడా సెట్ లో జాయిన్ అయ్యాడు.

గతంలో జల్సా, అత్తారింటికి దారేది లాంటి ఇండస్ట్రీ హిట్లను అందించిన ఈ కాంబో లో వస్తున్న మూడో చిత్రం కూడా ఖచ్ఛితంగా బ్లాక్ బస్టర్ అయితీరుతుందని అంచనా వేస్తున్నారు. సుమారు 90 కోట్ల బడ్జెట్ తో తెరకెక్కుతున్న ఈ చిత్రంలో రామోజీ ఫిల్మ్ సిటీలో వేసిన 5 కోట్ల స్పెషల్ సెట్ లో షూటింగ్ జరుగుతోంది.

ఇక గత చిత్రాల్లో పవన్ ను స్టైలిష్ గా చూపించిన త్రివిక్రమ్ ఈ సినిమా కోసం కూడా కొత్త మేకోవర్ చేయించాడని చెప్పుకుంటున్నారు. ఇందులో ఓ సాఫ్ట్ వేర్ అనాలసిస్ట్ రోల్ లో పవన్ కనిపించబోతున్నాడు. కీర్తి సురేష్, అను ఇమ్మాన్యుయేల్ హీరోయిన్లుగా నటించబోతున్న ఈ చిత్రంలో కుష్బూ ఓ కీలక రోల్ చేస్తుండగా, ఓ లీడిండ్ నటుడు విలన్ గా చేయబోతున్నాడని టాక్. త్వరగతిన పూర్తి చేసి ఆగష్టు 11న చిత్రాన్ని రిలీజ్ చేయాలని చిత్ర యూనిట్ భావిస్తోంది.