హాలీవుడ్ దర్శకుడితో విజయ్, అజిత్ సినిమాలు

Posted: 03/18/2017 10:07 AM IST

Vijay and ajith in hollywood director film

కోలీవుడ్ లో రజనీ-కమల్ తర్వాత విజయ్-అజిత్ ల సినిమాల కోసం అభిమానులు ఎంతగా ఎదురు చూస్తారో తెలిసిందే. ఈ ఇద్దరు బాగానే ఉంటున్నప్పటికీ, అభిమానులు మాత్రం ఎప్పటికప్పుడు సోషల్ మీడియాలో ట్రోల్స్ తో రెచ్చిపోతుంటారు. ఈ యేడాది వివేగమ్, విజయ్ 61వ చిత్రాలతో రాబోతుండగా, కత్తులు దూసుకునేందుకు ఫ్యాన్స్ సిద్ధమైపోతున్నారు. అయితే కారణాలేంటో తెలీదుగానీ గత కొంత కాలంగా వీరిద్దరూ ఒకే దర్శకుడితో సినిమాలు చేసిన దాఖలాలు లేవు. ఈ దశలో ఓ హాట్ న్యూస్ అక్కడ చక్కర్లు కొడుతోంది.

హాలీవుడ్ దర్శకుడు రాజ్ తిరుసెల్వన్ ఈ ఇద్దరితో సినిమాలను అనౌన్స్ చేసి మిగతా స్టార్ దర్శకులకు పెద్ద షాకే ఇచ్చాడు. ఎన్నారై అయిన తిరుసెల్వన్ లేక్ ఆఫ్ ఫైర్ అనే ఓ హాలీవుడ్ చిత్రాన్ని నిర్మించాడు. ఇదయదళపతి, తలను దృష్టిలో పెట్టుకుని ఓ రెండు యూనిక్ కాన్సెప్ట్ లు తన మైండ్ లో ఉన్నాయని తెలిపాడు. అజిత్ కోసం పొలిటికల్ కథను, విజయ్ కోసం హాలీవుడ్ తరహా స్టోరీని సిద్ధం చేసుకున్నానని చెప్పుకొచ్చాడు.

ప్రస్తుతం తమ ప్రాజెక్టులలో బిజీగా ఉన్న ఈ ఇద్దరు హీరోలు మరి అతగాడికి ఓకే చెప్పారా? లేదా? అన్నది మాత్రం ఇంకా తెలియాల్సి ఉంది. అయితే అల్రెడీ ఆ స్టార్ హీరోలతో స్టోరీ డిస్కషన్లు చేసిన అతను త్వరలో షూటింగ్ లు ప్రారంభం అవుతాయని చెబుతున్నాడు. ప్రస్తుతం విజయ్ అట్లీ దర్శకత్వంలో 61 వ చిత్రంలో నటిస్తుండగా, దళపతి అనే టైటిల్ పరిశీలనలో ఉంది. ఇందులో నిత్యామీనన్, కాజల్, సమంతలు హీరోయిన్లుగా నటిస్తున్నారు. మరోవైపు శివ దర్శకత్వంలో అజిత్ వివేగమ్(తెలుగులో వివేకం) షూటింగ్ లో బిజీగా ఉన్నాడు.