పద్నాలుగున్నర కేజీల బరువుతో హీరోయిన్

Posted: 11/22/2016 02:53 PM IST

సాధారణంగా చారిత్రక సినిమాల్లో బంగారు ఆభరణాల అవసరం అయినప్పుడు వాటి ప్లేస్ లో గిల్ట్ నగలను వాడటం ఆనవాయితీగా వస్తోంది. అయితే ఆ మధ్య రుద్రమదేవి కోసం గుణశేఖర్, బాజీరావ్ మస్తానీ కోసం దీపికా, ప్రియాంక చోప్రాలకు నిజమైన నగలే తగిలించాడు సంజయ్ లీలా భన్సాలీ.

కోట్లకు కోట్లు ఖర్చైనా వెనకాడకుండా రిచ్ లుక్ కోసం వారు రిస్క్ కు కూడా సిద్ధమైపోతున్నారు. ఆ కోవలోకి దర్శకేంద్రుడు కూడా చేరిపోయాడు. తాజాగా నాగ్ కొత్త నమో వెంకటేశాయ చిత్రం కోసం ఇలాంటి ఫీట్ జరిగిందంట. అందులో ప్రగ్నా జైస్వాల్ ఓ కీలకపాత్ర పోషిస్తున్న విషయం తెలిసిందే. ఇందులో ఓ పాత్ర కోసం 14 కేజీల బంగారం తో చేసిన లెహంగానే ప్రగ్నా ధరించిందంట.

ప్రగ్నా ఫస్ట్ లుక్ సందర్భంగా ఎగ్జయిట్ అవుతూ ఆ విషయం చెప్పేసింది. చిత్రంలో ఓ పాట సందర్భంగా ఈ ఫీట్ చేసినట్లు ఆమె చెప్పుకొచ్చింది. అంతేకాదు అతికష్టం మీద ఆ బరువును మోసినట్లు తెలిపింది. తన గత చిత్రాల్లో హీరోయిన్లను ఆకర్షణీయంగా చూపించనట్లే రాఘవేంద్రరావు ప్రగ్నాని కూడా చూపించబోతున్నట్లు తెలుస్తోంది.

ఓం నమో వెంకటేశాయలో నాగ్ బాబా హథీరాం పాత్రలో కనిపిస్తుండగా, కృష్ణమ్మ పాత్రలో అనుష్క, లక్ష్మీదేవిగా విమలారామన్ కనిపించనున్నారు.