సినిమా సీన్స్ సూపర్...!

Posted: 06/24/2016 12:41 PM IST

Ram and sathosh srinivas combination movie scenes

యంగ్ అండ్ ఎనర్జిటిక్ స్టార్ రామ్‌ హీరోగా ఈ ఏడాది తొలి రోజే విడుదలైన ‘నేను శైలజ’ చిత్రం మంచి హిట్ టాక్ ని తెచ్చుకుంది. ప్రస్తుతం 14 రీల్స్‌ ఎంటర్‌టైన్‌మెంట్‌ పతాకంపై సంతోష్‌ శ్రీనివాస్‌ దర్శకత్వంలో ఓ చిత్రం చేస్తున్నాడు రామ్. ఈ సినిమాకు సంబంధించిన ఫొటోలను రామ్‌ ట్విట్టర్‌ ద్వారా అభిమానులతో పంచుకున్నారు. ‘ఇంటర్వెల్‌ బ్లాక్‌ షూటింగ్‌ ఇక్కడే’ అంటూ ఓడపై జరుగుతున్న షూటింగ్‌ ఫొటోలను పోస్ట్‌ చేశారు. ఆ సీన్స్ సినిమాలోనే సూపర్ అంటూ ట్వీట్ చేశాడు.

ఈ ఫొటోలను చూస్తుంటే ఇంటర్వెల్‌ బ్లాక్‌ను భారీగానే ప్లాన్‌ చేశారనిపిస్తోంది. గతంలో సంతోష్‌ శ్రీనివాస్‌ కాంబినేషన్ లో ‘కందిరీగ’ సినిమా చేశాడు రామ్‌. బాక్సాఫీస్‌ వద్ద ఆ చిత్రం ఘన విజయాన్ని అందుకుంది. మరోసారి వీరిద్దరి కాంబినేషన్‌లో చిత్రం వస్తుండటంతో అంచనాలు భారీగా ఉన్నాయి. ఈ సినిమాలో హీరోయిన్ గా రాశీఖన్నా నటిస్తోంది.

- మూర్తి