సత్తా చాటుతున్న ఉడ్తా..!

Posted: 06/24/2016 12:48 PM IST

Udtha punjab movie frist week collections in bollywood

బాలీవుడ్ సినిమాలు అంటే ఎప్పుడూ వివాదంలోనే ఉంటాయి. ఎంతటి స్టార్ హీరోకైనా ఇలాంటి పరిస్థితి తప్పలేదు. అలాంటి హై డ్రామాతో విడుదలైన సినిమా ఉడ్తా పంజాబ్. సినిమాలో ఉన్న డ్రామా కంటే, సినిమా విడుదలకు ముందే బోలెడంత డ్రామా జరిగిన విషయం అందరికీ తెలిసిందే. ఈ సినిమా విడదలైన తొలివారంలోనే 50 కోట్ల క్లబ్లో చేరేందుకు సిద్ధంగా ఉంది. ఐదు రోజుల్లో దాదాపుగా 42 కోట్లు కలెక్ట్ చేసి రికార్డు సృష్టించింది. విడుదలకు ముందు దర్శక,నిర్మాతలకు కష్టాలు తెచ్చిపెట్టిన ఈ సినిమా ప్రస్తుతం కలెక్షన్ల వర్షం కురిపిస్తోంది. మరో వీకెండ్ వస్తుండటంతో కలెక్షన్లు మరింత పెరగడం ఖాయమని అంచనాలు వేస్తున్నారు బాలీవుడ్ ట్రేడ్ వర్గాలు.

నిజానికి ఈ సినిమా ముందే ఆన్లైన్లో లీక్ అయినప్పటికీ ఆ ప్రభావం సినిమా కలెక్షన్ల మీద ఏమాత్రం పడలేదు. కలెక్షన్లకు పోటీగా ప్రశంసలను కూడా సొంతం చేసుకుంటోంది. ఈ ఏడాది అత్యంత వివాదాస్పద చిత్రంగా వార్తల్లో నిలిచిన ఉడ్తా పంజాబ్ అక్కడ పట్టి పీడిస్తున్న డ్రగ్స్ సమస్యను ఇతివృత్తంగా తీసుకుని తెరకెక్కించారు. షాహిద్ కపూర్, ఆలియా భట్ల నటనకు విమర్శకులు సైతం ఇప్పుడు ప్రశంసలను అందిస్తున్నారు.

సమ్మర్ హాలీడేస్ అయిపోయినా సరే, ఈ సినిమాకి మంచి కలెక్షన్స్ రావడం పట్ల చిత్రయూనిట్ సంతోషంగా ఉన్నట్లు తెలుస్తోంది. ఏది ఏమైనా ఇలాంటి వివాదాలు కొన్ని సార్లు సినిమాకి మంచి ప్లస్ అండ్ పబ్లిసిటీ అవుతాయని మరోసారి నిరూపించింది ఈ సినిమా.

- మూర్తి