లింగుస్వామితోనే సినిమా ఫిక్స్....!

Posted: 06/18/2016 12:25 PM IST

Allu arjun next movie with linguswamy direction

'సరైనోడు’ సినిమాతో హిట్ కొట్టిన స్టైలిష్ స్టార్ అల్లు అర్జున్ తర్వాత సినిమా లింగుస్వామి దర్శకత్వంలో చేయబోతున్నట్లుగా తెలుస్తోంది. ఈ ప్రాజెక్టు కోసం బన్నీ తన లుక్‌ను మార్చుకునేందుకు ప్రయత్నాలు చేస్తున్నాడు. ఈ సినిమాని తెలుగు తమిళ భాషల్లో ఒకేసారి నిర్మించేందుకు లింగుస్వామి ప్రీ ప్రొడక్షన్ వర్క్స్ స్టార్ట్ చేసినట్లుగా సమాచారం. ఆర్టిస్టుల ఎంపిక విషయంలో, సాంకేతిక నిపుణుల ఎంపిక విషయంలో అత్యంత జాగ్రత్తలు తీసుకుంటున్నాడు.

ఇందులో భాగంగానే ఈ సినిమాకి మ్యూజిక్ డైరెక్టర్ గా దేవిశ్రీ ప్రసాద్ ని తీసుకుంటున్నట్లు తెలుస్తోంది. ఇప్పటికే ప్రస్టేజియస్ ప్రొజెక్ట్స్ లో ఎంతో బిజీగా ఉన్న డియస్ పి బన్నీ సినిమా అనేసరికి కాదనలేక ఒప్పుకున్నట్లు తెలుస్తోంది. బాలకృష్ణ 100వ సినిమా, చిరంజీవి 150వ సినిమా , జూనియర్ ఎన్టీఆర్ తో జనతాగ్యారేజ్ ఇలా పెద్ద సినిమాలతో దేవిశ్రీ ప్రసాద్ చాలా బిజీగా ఉన్న సంగతి తెలిసిందే. ఇందుకే ముందుగానే బన్నీ కోసం దేవిశ్రీ ప్రసాద్ డేట్స్ బ్లాక్ చేశాడట లింగుస్వామి. ఈ సినిమాని స్టార్ ప్రొడ్యూసర్ లగడపాటి శ్రీధర్ తన సొంత బ్యానర్ లో నిర్మించనున్నట్లుగా తెలుస్తోంది.

ఈ సినిమాలో బన్నీ డ్యూయల్ రోల్ లో నటిస్తున్నాడని ఒక క్యారెక్టర్ కంప్లీట్ గా నెగిటివ్ గా ఉంటుందని చెప్తున్నారు ఫిలిం నగర్ వాసులు.

- మూర్తి