ఎక్స్ క్లూజివ్: పవన్ కళ్యాణ్ కొత్త సినిమా కబుర్లు

Posted: 06/04/2016 12:42 PM IST

‘సర్దార్ గబ్బర్ సింగ్’ తర్వాత పవర్ స్టార్ పవన్ కళ్యాణ్ హీరోగా తమిళ దర్శకుడు ఎస్.జే.సూర్య దర్శకత్వంలో ఓ సినిమా రూపొందనున్న విషయం తెలిసిందే ఇప్పటికే ఈ సినిమాకు సంబంధించిన ప్రీ ప్రొడక్షన్ కార్యక్రమాలు చివరిదశకు చేరుకున్నాయి. ఓ ఫ్యాక్షన్ హీరో లవ్ స్టోరీ నేపథ్యంలో ఈ సినిమా సాగుతుందని ఇప్పటికే దర్శకుడు ఎస్.జే.సూర్య ప్రకటించారు.

దీంతో అభిమానులు ఈ సినిమా ఎలా వుండబోతుందోనని ఆతృతగా ఎదురుచూస్తున్నారు. ఈ సినిమా కోసం పవన్ కళ్యాణ్ తన లుక్ ను పూర్తిగా మార్చేసారు. హెయిర్ స్టైల్ చాలా కొత్తగా వుంది. అయితే ఈ సినిమా గురించి ఎస్.జే.సూర్య తాజాగా ఓ తమిళ ఛానెల్ ఇంటర్వ్యూలో మరిన్ని వివరాలు చెప్పుకొచ్చారు.

Video Source: tamilcinemareview

ఎస్.జే.సూర్య మాట్లాడుతూ... ఈ సినిమాలో హీరో చాలా మాస్ హీరో. కానీ లవ్ సీన్లతో కూడి వుంటుంది. రాయలసీమ బ్యాక్ డ్రాప్ లో రూపొందబోతున్న ఓ ఫ్యాక్షనిస్ట్ లవ్ స్టోరీ. ఈ సినిమాను దసరాకు లేదా వచ్చే ఏడాది సంక్రాంతికి విడుదల చేయడానికి ప్లాన్ చేస్తున్నట్లుగా ఎస్.జే.సూర్య చెప్పుకొచ్చాడు.

ఇక ఈ సినిమాలో హీరోయిన్ గా చాలా మంది హీరోయిన్లను పరిశీలిస్తున్నప్పటికీ... ఏ హీరోయిన్ కూడా ఫైనలైజ్ అవ్వడంలేదని తెలిసింది. అందువల్ల షూటింగ్ లేటయ్యే అవకాశం వుందని చిత్ర దర్శకనిర్మాతలు భావించడంతో... హీరోయిన్ లేని సీన్లను ముందుగా షూటింగ్ చేసేయ్యమని పవన్ కళ్యాణ్ దర్శకనిర్మాతలకు చెప్పాడట. దీంతో మరికొద్ది రోజుల్లోనే ఈ ప్రాజెక్టు షూటింగ్ ప్రారంభమై, శరవేగంగా కొనసాగించనున్నారు.

- Sandy