అది వచ్చినట్లే.. నీ పెళ్లి అయ్యినట్లే!

Posted: 06/04/2016 02:59 PM IST

‘స్టూడెంట్ ఆఫ్ ది ఇయర్’ సినిమాతో బాలీవుడ్ లోకి హీరోయిన్ గా ఎంట్రీ ఇచ్చిన ఆలియా భట్... ఆ తర్వాత పలు సినిమాలతోనే కాకుండా వరుస లవ్ రూమర్లతో భారీగా పాపులర్ అయ్యింది. ఈ అమ్మడు తన సినిమాల కంటే రూమర్ల ద్వారానే ఎక్కువ పాపులర్ అయ్యింది. అంతే కాకుండా ఈ అమ్మడి జనరల్ నాలెడ్జ్ శూన్యం అంటూ చాలా వార్తలే వచ్చాయి. అలాంటి ఈ అమ్మడు ఆస్కార్ పై కన్నేసింది.

ప్రస్తుతం ఆలియా నటించిన ‘ఉడ్తా పంజాబ్’ సినిమా విడుదలకు సిద్ధంగా వుంది. ఈ సినిమా ప్రమోషన్ కార్యక్రమాల్లో పాల్గొన్న ఈ అమ్మడు పలు ఆసక్తికర వ్యాఖ్యలు చేసింది. ఆలియా మాట్లాడుతూ... ‘కొంతమంది అమ్మాయిలకు జీవితంలో అత్యంత ముఖ్యమైన విషయం పెళ్లి... కానీ నాకు మాత్రం అన్నింటికన్నా ముఖ్యమైన విషయం ఆస్కార్ సాధించటం’ అని చెప్పుకొచ్చింది.

ఈ అమ్మడి కామెంట్లకు అక్కడి వారంతా ఒక్కసారిగా ఖంగుతిని, ఆ తర్వాత ముసిముసి నవ్వులు నవ్వుకున్నారు. ‘ఇక నీకు ఆస్కార్ వచ్చినట్లే.. నీ పెళ్లి అయినట్లే’ అంటూ అక్కడున్న వారంతా కూడా గుసగుసలాడారు. మరి ఆలియా నటించిన ఈ సినిమా ఎలాంటి విజయం సాధించనుందో త్వరలోనే తెలియనుంది.

- Sandy