‘అభినేత్రి’ టీజర్ అదుర్స్.. ప్రభుదేవా ఈజ్ బ్యాక్

Posted: 06/04/2016 10:18 AM IST

తమన్నా, ప్రభుదేవా ప్రధాన పాత్రలలో నటిస్తున్న తాజా చిత్రం ‘అభినేత్రి’. ప్రముఖ తమిళ దర్శకుడు ఎ.ఎల్.విజయ్ దర్శకత్వంలో రూపొందుతున్న ఈ చిత్రాన్ని కోన ఫిలిం కార్పొరేషన్‌ సమర్పణలో ఎం.వి.వి. సినిమా పతాకంపై ఎం.వి.వి.సత్యనారాయణ బ్లూ సర్కిల్‌ కార్పొరేషన్‌, బి.ఎల్‌.ఎన్‌. సినిమాతో కలిసి ఈ చిత్రాన్ని తెలుగులో నిర్మిస్తుండగా, ప్రభుదేవా స్టూడియోస్‌ పతాకంపై తమిళ్‌, హిందీ భాషల్లో ప్రభుదేవా నిర్మిస్తున్నారు.

సోనూసూద్, అమీజాక్సన్ ముఖ్య పాత్రలలో నటిస్తున్నారు. తాజాగా ఈ సినిమా ఫస్ట్ లుక్ టీజర్ ను విడుదల చేసారు. ఇందులో ప్రభుదేవా తన డాన్సింగ్ స్టైల్ తో మరోసారి అదరగొట్టేసాడు. ఈ టీజర్ మ్యూజిక్ సూపర్. అమీజాక్సన్ లుక్స్ పరంగా చాలా గ్లామరస్ గా కనిపిస్తుంది. కానీ ఈ టీజర్ లో తమన్నా, సోనూసూద్ లకు సంబంధించిన సీన్లు లేవు. మరికొద్ది రోజుల్లోనే తమన్నాకు సంబంధించిన టీజర్ ను కూడా విడుదల చేయనున్నారు.

ప్రభుదేవా, తమన్నా, సోనూ సూద్‌, అమీజాక్సన్, సప్తగిరి, మురళీశర్మ, హేమ, ప థ్వీ, షకలక శంకర్‌ తదితరులు ముఖ్యపాత్రలు పోషిస్తున్న ఈ చిత్రానికి సంగీతం: సాజిద్-వాజిద్,జి.వి.ప్రకాష్‌కుమార్‌, విశాల్; సినిమాటోగ్రఫీ: మనీష్‌ నందన్‌, ఎడిటింగ్‌: ఆంటోనీ, ఆర్ట్‌: వైష్ణరెడ్డి, సమర్పణ: కోన ఫిలిం కార్పొరేషన్‌, నిర్మాత: ఎం.వి.వి.సత్యనారాయణ, కథ,స్క్రీన్‌ప్లే,దర్శకత్వం: విజయ్‌.

- Sandy