మలయాళంలో ‘సరైనోడు’ పరిస్థితి ఏంటంటే?

Posted: 05/28/2016 11:14 AM IST

స్టైలిష్ స్టార్ అల్లు అర్జున్ కు మలయాళంలో భారీ ఫ్యాన్ ఫాలోయింగ్ వున్న విషయం తెలిసిందే. మల్లు అర్జున్ గా భారీ క్రేజ్ ను సొంతం చేసుకున్నాడు. అయితే ఇటీవలే బన్నీ హీరోగా బోయపాటి శ్రీను దర్శకత్వంలో రూపొందిన ‘సరైనోడు’ చిత్రం బ్లాక్ బస్టర్ హిట్టయ్యిన విషయం తెలిసిందే.

ఈ సినిమా కమర్షియల్ స్టైలిష్ మాస్, యాక్షన్ ఎంటర్ టైనర్ గా రూపొందిన ఈ చిత్రాన్ని మలయాళంలో ‘యోధవు’ పేరుతో విడుదల చేసారు. ‘యోధవు’ చిత్రం నిన్న మలయాళం భాషలో అత్యధిక థియేటర్లలో విడుదలయ్యింది. ఈ సినిమా విడుదలైన తొలిరోజే పాజిటివ్ టాక్ ను సొంతం చేసుకుంది.

బన్నీ నటనకు మల్లు అర్జున్ అభిమానులు ఫుల్ ఖుషీలో వున్నారు. ఇదే టాక్ కొనసాగి, వచ్చే వారం వరకు పెద్ద హీరోల సినిమాలేవి కూడా విడుదల కాకుంటే ‘యోధవు’ సినిమా కలెక్షన్ల మోత మోగించడం ఖాయమని సినీవర్గాల సమాచారం.