కమల్ హాసన్ ‘మరుదనయాగం’ సాంగ్ విడుదల

Posted: 03/05/2016 01:24 PM IST

ఉలగనయగన్, యూనివర్సల్ స్టార్ కమల్ హాసన్ నటిస్తున్న తాజా తమిళ చిత్రం ‘మరుదనయాగం’. ఈ సినిమాకు సంబంధించిన ఫస్ట్ లుక్ విడుదలైన క్షణం నుంచి అభిమానులు ఈ సినిమా కోసం ఎంతగానో ఎదురుచూస్తున్నారు. కానీ గతకొద్ది కాలంగా ఈ చిత్రం ప్రేక్షకుల ముందుకు రాకుండా ఆగిపోయింది.

అసలు ఈ ప్రాజెక్టు ఎంతవరకు వచ్చిందో అర్థంకాని పరిస్థితి ఏర్పడింది. కానీ ‘మరుదనయాగం’ మరికొద్ది రోజుల్లోనే ప్రేక్షకుల ముందుకు రాబోతున్నట్లుగా అర్థమవుతోంది. తాజాగా ఈ చిత్రంలోని ఓ పాటను విడుదల చేసారు. ఇందులో కమల్ పలు విభిన్న పాత్రలలో నటిస్తున్నట్లుగా కనిపిస్తోంది.

రవి.కె.చంద్రన్ దర్శకత్వంలో రూపొందుతున్న ఈ చిత్రానికి ఇళయరాజా సంగీతం అందిస్తున్నాడు. కమల్ తో పాటు నాజర్, సత్యరాజ్, పశుపతి తదితరులు ముఖ్య పాత్రలలో నటిస్తున్నారు. త్వరలోనే ఈ సినిమాకు సంబంధించిన అన్ని వివరాలు అధికారికంగా ప్రకటించనున్నారు.