కారు ప్రమాదం నుంచి బయటపడ్డ సూపర్ స్టార్

Posted: 01/28/2016 04:42 PM IST

ప్రముఖ మలయాళ సూపర్ స్టార్ మోహన్ లాల్ అదృష్టవశాత్తు రోడ్డు ప్రమాదం నుంచి తృటిలో తప్పించుకున్నారు. మోహన్ లాల్ ప్రస్తుతం ‘పులి మురుగన్’ అనే సినిమాలో నటిస్తున్నారు. ఈ సినిమా షూటింగ్ లో పాల్గొనేందుకు వెళుతున్న మోహన్ లాల్ కారున వేగంగా వస్తున్న టిప్పర్ ఢీ కొనడంతో ప్రమాదం జరిగింది. ఈ సంఘటన కేరళలోని మళయత్తూర్ సమీపంలో జరిగింది.

అయితే ఈ ప్రమాదంలో మోహన్ లాల్ కు ఎలాంటి ప్రమాదం జరగలేదు. ఎలాంటి గాయాలు కాకుండా, క్షేమంగా బయటపడటంతో అభిమానుల్లో కాస్త కంగారు తగ్గింది. కానీ ఈ విషయంపై మోహన్ లాల్ స్వయంగా మీడియా ముఖంగా ఏదైనా ప్రకటన విడుదల చేసే వరకు అభిమానుల్లో మాత్రం కంగారు తగ్గదనే చెప్పుకోవచ్చు.

మోహన్ లాల్ తెలుగులో రెండు చిత్రాల్లో నటిస్తున్నారు. ఒకటి చంద్రశేఖర్ ఏలేటి దర్శకత్వంలో రూపొందుతున్న సినిమా. ప్రస్తుతం ఈ చిత్ర షూటింగ్ శరవేగంగా జరుగుతోంది. మరొకటి యంగ్ టైగర్ ఎన్టీఆర్, కొరటాల శివ కాంబినేషన్లో రూపొందుతున్న ‘జనతా గ్యారేజ్’. త్వరలోనే ఈ ప్రాజెక్ట్ సెట్స్ పైకి వెళ్లనుంది.