‘స్పీడున్నోడు’ పాటలు విడుదల

Posted: 01/23/2016 09:38 AM IST

బెల్లంకొండ శ్రీనివాస్, సోనారిక జంటగా నటిస్తున్న తాజా చిత్రం ‘స్పీడున్నోడు’. ప్రముఖ దర్శకుడు భీమనేని శ్రీనివాస్ రావ్ దర్శకత్వంలో రూపొందుతున్న ఈ చిత్రాన్ని భీమనేని రోషితా సాయి సమర్పణలో గుడ్ విల్ ఫిలిమ్స్ బ్యానర్ పై భీమినేని సునీత నిర్మిస్తున్నారు.

డి.జె.వసంత్ సంగీతం అందించిన ఈ చిత్ర ఆడియో విడుదల కార్యక్రమం శుక్రవారం హైదరాబాద్ లో ఘనంగా జరిగింది. ఆదిత్య మ్యూజిక్ ద్వారా పాటలు మార్కెట్లోకి విడుదలయ్యాయి. ఈ కార్యక్రమంలో వి.వి.వినాయక్, రకూల్ ప్రీత్ సింగ్, తమన్నా, హేభ పటేల్, అనిల్ రావిపూడి, రెజీనా తదితరులు పాల్గొన్నారు. బిగ్ సీడీని వి.వి.వినాయక్ విడుదల చేసారు. ఆడియో సీడీలను వి.వి.వినాయక్ విడుదల చేసి, తొలిసీడీని తమన్నాకు అందజేసారు.

ఈ పాటలకు, ట్రైలర్లకు మంచి రెస్పాన్స్ వస్తోంది. ఇందులో తమన్నా ‘బ్యాచిలర్ బాబు...’ అనే స్పెషల్ సాంగ్ లో నటించింది. ప్రస్తుతం ఈ చిత్ర షూటింగ్ చివరి దశకు చేరుకుంది. త్వరలోనే ఈ చిత్రాన్ని ప్రేక్షకుల ముందుకు తీసుకురానున్నారు.